ස්පාඤ්ඤයේ පැවති වයස අවුරුදු 20 න් පහළ කනිෂ්ඨ මල්ලවපොර ලෝක ශූරතා තරගාවලියේ දී ලෝකඩ පදක්කම් දිනාගත් ශ්රී ලංකා මල්ලවපොර ක්රීඩිකා නෙත්මි අහිංසා ඊයේ (08) දිවයිනට පැමිණියා.
ඊයේ (08) රාත්රී 08.40ට අබුඩාබි නුවර සිට ඉටිහාඩ් ගුවන් සේවයේ ඊ.වයි- 396 දරණ ගුවන් යානයෙන් ඇය කටුනායක ගුවන්තොටුපොළ වෙත පැමිණි බවයි ගුවන්තොටුපොළ අප වාර්තාකරු සඳහන් කළේ.
තරගාවලියේ කිලෝග්රෑම් 55 බර පන්තියේ ලෝකඩ පදක්කම දිනා ගත්තේ රුසියානු ක්රීඩිකාව ලකුණු 06-02ක් ලෙස පරාජය කරමින්.
මල්ලවපොර ලෝක ශූරතා තරගාවලියේ දී, ඉතිහාසයේ පළමුවරට ශ්රී ලංකාවට පදක්කම් දිනාදුන් ක්රීඩිකාව ලෙස නෙත්මි අහිංසා ඉතිහාස ගත වුණා.
ස්පාඤ්ඤයේ, පොන්ටෙවෙඩ්පා නගරයේ පැවති මෙම තරගාවලිය වෙනුවෙන් ලෝකයේ රටවල් 100 කට අධික ප්රමාණයක ක්රීඩක ක්රීඩිකාවන් 600 කට අධික පිරිසකගේ සහභාගීත්ව සිටියා.
මෙහිදී අදහස් දැක්වූ නෙත්මි අහිංසා,
“මම කසකස්තාන, බල්ගේරියානු සහ හංගේරියානු ක්රීඩක ක්රීඩිකාවන් 10 -00 ලෙස පරාජය කළා. ලෝක ශූර චීන ක්රීඩිකාව සමග 02 -02ක් ලෙස කරට කර තරග කරමින් සිටියදී එම තරගයේ දී අවාසනාවන්ත ලෙස පරාජය වුණා. ඉන්පසුව තුන්වැනි ස්ථානය සඳාහා රුසියානු ක්රීඩිකාව සමඟ තරග කර ඇය 06 – 02ක් ලෙස පරාජය කරමින් කිලෝ ග්රෑම් 53 බර පංතියේ ලෝකඩ පදක්කම දිනාගත්තා.”
නෙත්මිව පිළිගැනීම සදහා ක්රීඩා අමාත්යාංශයේ නිලධාරීන් සහ ශ්රී ලංකා මල්ලවපොර සම්මේලනයේ නිලධාරීන් කටුනායක ගුවන්තොටුපොළ වෙත පැමිණ සිටියා.
