2025 ඔක්තොම්බර් සිට 2026 පෙබරවාරි මාසය දක්වා වන මාස 05 ක කාලය තුළ විදේශ රැකියා වංචනිකයින්ට හසුවී සිටි පුද්ගලයින්ට රුපියල් ලක්ෂ 1945ක මුදලක් ආපසු අය කර දීමට හැකියාව ලැබී ඇති බව විදේශ සේවා නියුක්ති කාර්යංශය පවසනවා.
ඊශ්රායලය,දකුණු කොරියාව,ජපානය,රුමේනියාව සහ මැද පෙරදිග රටවල්වල රැකියාවන් ලබා දෙන බව පවසමින් සමාජ මාධ්ය ජාලාවල දැන්වීම් පළ කරමින් පුද්ගලයින් රවටා මුදල් වංචා කිරීමේ සිද්ධීන් පසුගිය කාලයේ වාර්තා වුණා.
පසුගිය වසරේ ඔක්තොම්බර් සිට 2026 පෙබරවාරි මාසය දක්වා වන කාලය තුළ විදේශ රැකියා වංචාවන් සම්බන්ධයෙන් වන පැමිණිළි 2081 ක් විදේශ සේවා නියුක්ති කාර්යංශයට ලැබී තිබෙනවා.
එම පැමිණිළි සම්බන්ධයෙන් සිදු කළ විමර්ශණවලින් අනතුරුව වැටලීම් 19ක් විදේශ සේවා නියුක්ති කාර්යංශයේ නිලධාරීන් විසින් සිදු කර තිබෙනවා.
එම වැටලීම්වලදී පුද්ගලයින් 88 දෙනෙක් අත්අඩංගුවට ගෙන ඇති අතර,බලපත්ර ලාභී විදේශ රැකියා නියෝජිත ආයතන 03 ක හිමිකරුවන් සහ සේවකයින්ද ඒ අතරට අයත්.
ලැබී ඇති පැමිණිළි සම්බන්ධයෙන් සිදු කරන ලද විමර්ශණවලට අනුව අධිකරණයන් හමුවේ නඩු 244 ක් පැවරීමටද විදේශ සේවා නියුක්ති කාර්යංශයේ විමර්ශණ ඒකකය සමත් වී තිබෙනවා.
