රටින් පැන්නූ වත්කම් යළි ගෙන්වන පනත් කෙටුම්පත පාර්ලිමේන්තුවට ඉදිරිපත් කරන්න අනුමැතිය

අපරාධයකින් උත්පාදිත දේ පිළිබඳ පනත් කෙටුම්පත ගැසට් පත්‍රයක් මඟින් පළ කර පාර්ලිමේන්තුව වෙත ඉදිරිපත් කිරීමට අමාත්‍ය මණ්ඩලයේ අනුමැතිය හිමිව තිබෙනවා.

අදාළ කෙටුම්පත සකස් කිරීම සඳහා නීති කෙටුම්පත් සම්පාදකට උපදෙස් දීම සඳහා 2024‑12‑09 දින පැවති අමාත්‍ය මණ්ඩල රැස්වීමේදී අනුමැති ලබා දී තිබුණා.

ඒ, අනුව සකස් කළ එම පනත් කෙටුම්පත නීතිපතිගේ නිෂ්කාශනය ලැබී ඇති බවයි කැබිනට් මාධ්‍ය ප්‍රකාශක අමාත්‍ය නලින්ද ජයතිස්ස අද (21) සඳහන් කළා.

මෙම පනත් කෙටුම්පත පාර්ලිමේන්තුවට ඉදිරිපත් කර අනුමැතිය ලබාගැනීමෙන් පසු; රටින් පිටට ගෙන ගොස් ඇති සොරකම් කරන ලද වත්කම් රාජසන්තක කර යළි අත්පත් කර ගැනීම සඳහා ක්‍රමවේදයක් සකස් කිරීමට අවස්ථාව හිමි වන බවයි අමාත්‍යවරයා වැඩිදුරටත් සඳහන් කළේ.