පාකිස්ථාන ක්‍රිකට් කණ්ඩායමේ වේගපන්දු යවන ක්‍රීඩක හරිස් රවුෆ්ගේ මධ්‍යම කොන්ත්‍රාත්තුව අත්හිටුවීමට පාකිස්ථාන ක්‍රිකට් ආයතනය කටයුතු කර තිබෙනවා.
ඒ, ඉකුත් දෙසැම්බර් සහ ජනවාරි මාසයන්හිදී ඔහු විසින් පාකිස්ථාන කණ්ඩායමේ ඕස්ට්‍රේලියානු තරග සංචාරය ප්‍රතික්ෂේප කිරීම හේතුවෙන්.
කෙසේ වෙතත් ඔහු එම තරගාවලියට එක් නොවී ඕස්ට්‍රේලියානු බිග් බෑෂ් ලීග් තරගාවලිය සඳහන් ක්‍රීඩා කිරීම හේතුවෙන් පාකිස්ථාන ක්‍රිකට් ආයතනය හරිස් එරෙහිව මෙම තීරණය ගෙන තිබෙනවා.
පාකිස්ථාන ක්‍රිකට් ආයතනයේ මෙම තීරණයත් සමඟ හරිස් රවුෆ්ට ඉකුත් දෙසැම්බර් 01 වනදා සිට මේ වසරේ ජුනි 30 වනදා දක්වා කාලය තුළ විදේශීය ලීග් තරගාවලි ක්‍රීඩා කිරීමට ලබාදෙන අවසරය ලබා නොදීමට ද කටයුතු කර ඇති බවයි වාර්තා වන්නේ.
මේ අතර පාකිස්ථාන විස්සයි විස්ස කණ්ඩායමේ ෂහීන් අෆ්රිඩි, හරිස් රවුෆ්ට එරෙහිව ගෙන ඇති මෙම තීරණය පිළිබඳව සිය අසතුට පළකර ඇති බව සඳහන්.
කෙසේ වෙතත් හරිස් රවුෆ්ට පකිස්ථාන සුපර් ලීග් තරගාවලිය නියෝජනය කිරීමේ අවස්ථාවට පාකිස්ථාන ක්‍රිකට් ආයතනය ගෙන ඇති තීරණයෙන් බලපෑමක් සිදුවන්නේ නැහැ.
