ක්‍රිකට් අර්බුදය භාවිතා කර ඇතැම් දේශපාලකයින් මැතිවරණවලට මුදල් හොයා ගන්නා බව හිටපු පළාත් සභා මන්ත්‍රී නිරෝෂන් පාදුක්ක පවසනවා.
අද (07) කොළඹ විපක්ෂ නායක කාර්යාලයේ පැවැති මාධ්‍ය හමුවකට එක්වෙමිනුයි මන්ත්‍රීවරයා මේ බව පැවසුවේ.
ක්‍රිකට් අතුරු පාලක මණ්ඩලයට විශ්‍රාමලත් විනිසුරුවරු තුන්දෙනෙක් පත් කිරීමට ක්‍රීඩා ඇමතිවරයා පියවර ගෙන ඇත්තේ ක්‍රිකට් පාලක මණ්ඩලයේ සාමාජිකයින්ට එරෙහි ව නීතිය ක්‍රියාත්මක කිරීමේ බලාපොරොත්තුවකින් වීමට හැකි බවත් ඔහු පෙන්වා දුන්නා.
සෑම ක්‍රීඩාවක් ම නිර්දේශපාලනීකරණය විය යුතු බවත්; සමගි ජනබලවේග රජයක් යටතේ කිසිදු දේශපාලන ඇඟිලි ගැසීමක් කිසිදු ක්‍රීඩාවකට සිදු නොවන බවත් හිටපු පළාත් සභා මන්ත්‍රීවරයා අවධාරණය කළා.
රටේ ක්‍රීඩාවට නව යුගකයක් සජිත් ප්‍රේමදාසගේ නායකත්වයෙන් ලබාදීමට කටයුතු කරන බවයි නිරෝෂන් පාදුක්ක වැඩිදුරටත් පැවසුවේ.
හිටපු ක්‍රිකට් නායක අර්ජුන රණතුංගට ක්‍රිකට් ක්‍රීඩාව ගොඩගැනීමට හැකි දැයි මාධ්‍යවේදියා යොමු කළ ප්‍රශ්නයට ද හිටපු ප්‍රාදේශීය සභා මන්ත්‍රීවරයා අදහස් පළ කළා.
ඔහු කියා සිටියේ අර්ජුන රණතුංගගේ ක්‍රිකට් දැනුම හා නිර්භීතකම අගය කළ ද, බොහෝ දෙනෙක් ඔහුට අකමැති බවයි.
ක්‍රිකට් පාලක මණ්ඩලයේ ඡන්දයකින් අර්ජුන රණතුංගට දිනීමට නොහැකි බවත්, රටට අවශ්‍ය වන්නේ නව ක්‍රිකට් ව්‍යවස්ථාවක් බව ද පෙන්වා දුන්නා.
wpDiscuz
