රජරට විශ්ව විද්යාලීය කෘෂිකර්ම විද්යා පීඨය ඉදිරිපිට එම පීඨයේ ආචාර්යවරුන් විසින් නිහඬ විරෝධතාවයක්ද ඊයේ (23) පවත්වනු ලැබුවා
ඒ ශාක විද්යා අංශයේ කෘෂිකර්ම පීඨාධිපති මහාචාර්ය වොලි විජේරත්නගේ අත්තනෝමතික ක්රියාදාමයන් විරෝධය දැක්වීමටයි.
එමෙන්ම ඊයේ (23) දහවල් 12.00 සිට අඛණ්ඩ වැඩ වර්ජනයක් ද ආචාර්යවරුන් ඇතුළු අධ්යයන කාර්ය මණ්ඩලය විසින් ආරම්භ කර තිබෙනවා.
විරෝධතාවයේ නිරත වූ ආචාර්යවරුන් පවසන්නේ පීඨාධිපතිවරයා විසින් ආචාර්යවරුන් මානසික පීඩනයට ලක් කිරීම, බියවැද්දීම හා කතා කිරීමේ නිදහස නැති කිරීම වැනි තර්ජනාත්මක ක්රියාදාමයන් නිසා කෘෂිකර්ම පීඨයේ ආචාර්යවරුන් ඇතුළු අධ්යන කාර්ය මණ්ඩල දැඩි පිඩාවකට පත් වී සිටින බවයි.
මේ සම්බන්ධයෙන් 2025 ජනවාරි මාසයේ රජරට විශ්ව විද්යාලයේ වැඩ බලන උප කුලපතිවරයාට දැනුම්දුන් නමුත් මේ වන තෙක් කිසිදු ප්රතිචාරයක් හෝ අදාල පීඨාධිපති පිළිබද විනය පියවර නොගත් නිසා මෙම වෘත්තිය ක්රියාමාර්ගය ආරම්භ කර බවයි විරෝධතාකරුවන් වැඩිදුරටත් පැවසුවේ.
එමෙන්ම ආරම්භ කළ අඛණ්ඩ වැඩ වර්ජනය, පීඨාධිපතිවරයාට පරිපාලනයෙන් විනය පරීක්ෂණයක් ආරම්භ කරනතුරු පවත්වාගෙන යන බවට වාර්තා වනවා.
