අමාත්යාංශ ලේකම්වරු දෙදෙනෙක් සහ සභාපතිවරු දෙදෙනෙක් පත්කිරීමට පසුගිය 12 වන දින පාර්ලිමේන්තුවේදී රැස් වූ උසස් නිලතල පිළිබඳ කාරක සභාවේ අනුමතිය ලබාදී තිබෙනවා.
ඒ අනුව විදේශ කටයුතු, විදේශ රැකියා සහ සංචාරක අමාත්යාංශයේ නව ලේකම් ලෙස අරුණි රණරාජා සහ නාගරික සංවර්ධන, ඉදිකිරීම් සහ නිවාස අමාත්යාංශයේ ලේකම් ලෙස යූ.ජී. රංජිත් ආරියරත්න උසස් නිලතල පිළිබඳ කාරක සභාව විසින් අනුමත කර තිබෙනවා.
එමෙන්ම ප්රාදේශීය සංවර්ධන බැංකුවේ සභාපති ලෙස ඒ.පී.එල්. ප්රනාන්දු සහ භූ විද්යා සමීක්ෂණ හා පතල් කාර්යාංශයේ සභාපති ලෙස ජේ.එම්.එස්.එන්. ජයසිංහ යන අයද උසස් නිලතල පිළිබඳ කාරක සභාව විසින් අනුමත කර තිබෙන බව පාර්ලිමේන්තුව විසින් නිකුත් කළ නිවේදනයේ සඳහන්.
අග්රාමාත්යතුමියගේ ප්රධානත්වයෙන් රැස් වූ උසස් නිලතල පිළිබඳ කාරක සභාවට සභානායක බිමල් රත්නායක, කුමාර ජයකොඩි, අනිල් ජයන්ත, උපාලි පන්නිලගේ ඇතුළු එහි සාමාජිකයින් පිරිසක් සහභාගී වුණා.
