යෝෂිත රාජපක්ෂ හිටපු ජනාධිපති මහින්ද රාජපක්ෂගේ පුත්‍රයා වීම නිසා පමණක් අත්අඩංගුවට නොගත් බව කැබිනට් ප්‍රකාශක මාධ්‍ය අමාත්‍ය නලින්ද ජයතිස්ස පවසනවා.
රජයේ ප්‍රවෘත්ති දෙපාර්තමේන්තුවේ අද (25) පැවති විශේෂ මාධ්‍ය හමුවක දී අමාත්‍යවරයා මේ බව සඳහන් කළා.
එහිදී ඔහු සඳහන් කර සිටියේ නීතිවිරෝධී ලෙස හෝ සැකසහිත ආකාරයෙන් ඉඩම් හෝ දේපළ මිලදී ගෙන තිබේ නම් නීතිය ක්‍රියාත්මක කරන බවයි.
අද සිදු වූ අත්අඩංගුවට ගැනීම් පිටුපස කිසිඳු දේශපාලන දඩයමක් නොමැති බව ද ඔහු මෙහිදී වැඩිදුරටත් සඳහන් කර සිටියා.
ආරම්භ කර ඇති පරීක්ෂණ දිගටම පවතින බවත්, CID සහ පොලිසිය අධිකරණයට කරුණු ඉදිරිපත් කර ඒ අනුව අත්අඩංගුවට ගැනීම් සිදුකරන බවත්, අමාත්‍යවරයා සඳහන් කළා.
“ඔවුන්ට ඇප ලැබෙනවා. නමුත් නඩු කටයුතු දිගටම ක්‍රියාත්මක වෙනවා. නීතිය ක්‍රියාත්මක කිරීම අධිකරණයේ යුතුකම රජය කරන්නේ එයට පහසුකම් සැලසීම පමණයි.”
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
