තලාව, සුමුදුගම ප්රදේශයේ වැටලිමකට ගිය තලාව පොලිස් ස්ථානාධිපතිවරයාට පුද්ගලයෙකු විසින් පහරදීම හේතුවෙන් බරපතළ තුවාල ලබා රෝහල්ගත කර තිබෙනවා.
ඔහු මෙම ප්රහාරයට මුහුණ දී ඇත්තේ ලද තොරතුරකට අනුව පොලිස් කණ්ඩායමක් නීති විරෝධී ව පවත්වාගෙන ගිය කසිප්පු පොළක් වැටලීමට ගිය අවස්ථාවේ දී යි.
තලාව පොලිස් ස්ථානයේ නිලධාරීන් පිරිසක් සුමුදුගම ප්රදේශයේ නීති විරෝධී ව පවත්වාගෙන ගිය කසිප්පු පොළක් වැටලීමට ගිය අවස්ථාවේ මත්පැන් ජාවාරම්කරුවා සහ ඔහුගේ හිතවතුන් පොලිස් නිලධාරින්ට බාධා කරමින් කලහකාරි ලෙස හැසිරී තිබෙනවා.
මේ හේතුවෙන් වැටලීමට ගිය පොලිස් නිලධාරින් ඒ බව තලාව පොලිස් ස්ථානාධිපතිවරයාට දැනුම්දී තිබුණා.
අනතුරුව එම ස්ථානයට පැමිණි පොලිස් ස්ථානාධිපතිවරයා ගැටුම සමථයකට පත්කොට සැකකරුවන් අත්අඩංගුවට ගැනීමට උත්සහා කිරිමේ දී පුද්ගලයෙකු විසින් ස්ථානාධිපතිවරයාට මන්නා පිහියකින් පහර දී තිබෙනවා.
ප්රහාරයෙන් තලාව පොලිස් ස්ථානාධිපතිවරයාගේ හිසට හා වම් අතට බරපතළ තුවාල සිදු වී ඇති බවටයි වාර්තා වන්නේ.
කෙසේ වෙතත් පැමිණ සිටි පොලිස් නිලධාරීන් එක්ව වහාම පොලිස් ස්ථානාධිපතිවරයා අනුරාධපුර ශික්ෂණ රෝහල වෙත රැගෙන යාමට කටයුතු කළා.
සිද්ධිය සම්බන්ධයෙන් සුමුදුගම ප්රදේශයේ වයස අවුරුදු 30 ත් 49 අතර වියේ පසුවන කාන්තාවන් දෙදෙනෙකු ඇතුළු පස් දෙනෙකු පොලිසිය විසින් අත්අඩංගුවට ගෙන තිබෙනවා.
