ඩෙංගු රෝගය වැළඳී සිටි කුඩා දරුවෙක් ඊයේ (25) දිනයේ අවාසනාවන්ත ලෙස ජීවිතක්ෂයට පත්ව ඇති බව යාපනය රෝහල් ආරංචි මාර්ග පවසනවා.
මෙලෙස ජීවිතක්ෂයට පත්ව ඇත්තේ වයස මාස 11ක් වයසැති පිරිමි දරුවෙක්.
ඩෙංගු රෝගය වැළඳී යාපනය රෝහලේ නේවාසිකව ප්‍රතිකාර ලබමින් සිටි මෙම දරුවා මෙලෙස ජීවිතක්ෂයට පත්ව ඇති බවයි වාර්තා වුණේ.
දරුවාගේ මරණය සම්බන්ධයෙන් වන පශ්චාත් මරණ පරීක්ෂණ පැවැත්වීමට නියමිතව තිබූ බව අප වාර්තාකරු සඳහන් කරනවා.
මේ අතර ඩෙංගු රෝගය වැළඳී ප්‍රතිකාර ලබමින් සිටිය දී ජීවිතක්ෂයට පත් වූ යාපනය විශ්ව විද්‍යාලයේ සිසුවියගේ දේහය සම්බන්ධයෙන් අවසන් කටයුතු ඊයේ (25) සිදු කෙරුණා.
පෙරේදා (24) දිනයේ මෙලෙස ජීවිතක්ෂයට පත් වුණේ එම විශ්ව විද්‍යාලයේ කලා පීඨයේ අධ්‍යාපනය ලබමින් සිටි සිසුවියක්.
යාපනය දිස්ත්‍රික්කය තුළ ඩෙංගු ව්‍යාප්තිය ඉහළ ගොස් ඇති අතර, ඊයේ (25) දිනයේ පමණක් ඩෙංගු රෝගීන් 40 දෙනෙකු වාර්තා වී ඇති බවයි යාපනය රෝහල් ආරංචි මාර්ග පැවසුවේ.
