ඉන්දීය අග්රාමාත්ය නරේන්ද්ර මෝදි මේ මස අග සතියේ දී අමෙරිකාවට යාමට නියමිත ව තිබෙනවා.
ඉන්දීය මාධ්ය වාර්තා කරන පරිදි Quad සමුළුව සඳහා එක්වීම අග්රාමාත්යවරයාගේ මෙම නිල සංචාරයේ අභිප්රායයි.
මෙම සමුළුව සිව් දිනක් පුරාවට එනම්; සැප්තැම්බර් මස 21 වැනි දින සිට අමෙරිකානු ජනාධිපති ජෝ බයිඩ්න්ගේ උපන් ගම වන ඩෙලවෙයාර් – විල්මින්ටන්හි දී පැවැත්වීමට නියමිත ව තිබෙනවා.
Quad සමුළුව මගින් ගෝලීය යුද අර්බුද වන යුක්රේන – රුසියානු අර්බුදය සහ ඊශ්රායල – පලස්තීන ගැටුම පිළිබඳ ව වැඩි අවධානයක් යොමු කිරීමටයි සූදානම් ව ඇත්තේ.
මෙම සමුළුවට ඉන්දියාවට අමතර ව ජපානය, ඔස්ට්රේලියානු නායකයින් ද එක්වීමට නියමිතයි.
මෙම සමුළුවට දින වෙන් කරගැනීම ගෝලීය වශයෙන් පැවති තත්ත්වවල දී දැඩි අපහසු කාරණයක් වූ අතර; එය ව්යාකූල තත්ත්වයන් මධ්යයේ මේ මස අග දී පැවැත්වෙන අතර නව සැලැස්මට අනුව 2025 වසරේ දී Quad සමුළුවේ සත්කාරකත්වය දැරීමට ඉන්දීය රජය බලාපොරොත්තුවෙන් සිටිනවා.
