මුඛයේ ආබාධයක් සහිතව කහල්ල පල්ලේකැලේ අභය භූමියේ සැරිසරණ ඇත් පැටවකුට ප්රතිකාර ලබාදීමට නිකවැරටිය වනජීවී පශු වෛද්ය ඒකකයේ නිලධාරීන් ඊයේ (01) පස්වරුවේ කටයුතු කළා.
එම ඇත් පැටවා කහල්ල පල්ලේකැලේ අභය භූමිය තුල ආඬියාගල හිඟුරුවැව ප්රදේශයේ සැරිසරමින් සිටියදී මුඛයේ ආබාධ තත්ත්වයක් ඇති බවට ගල්කිරියාගම අඩවි කාර්යාලයේ නිලධාරීන් විසින් සොයා ගෙන තිබුණා.
මෙම ඇත් පැටවා වයස අවුරුදු පහක් පමණ වන බවටයි වනජීවී නිලධාරීන් අනුමාන කරන්නේ.
අඩි එකහමාරක් පමණ උසැති හොඳින් වැඩුණු දළ යුගලයක් සහිත ඇත් පැටවා උස අඩි 5ක් පමණ වනවා.
වනජීවී පශු වෛද්යවරුන් ගල්කිරියාගම වනසත්ව අඩවි කාර්යාලයේ නිලධාරීන් සමඟ ඇත්පැටවාට අවශ්ය ප්රතිකාර සිදු කළ අතර ප්රතිකාර ලබා දීම සඳහා ඇත් පැටවා නිර්වින්දනය කිරීමට ද සිදුවුණා.
