මීටියාගොඩ නිවසක වෙඩි තැබීමක් – නිවස අසලින් සැකකටයුතු ත්‍රිරෝද රථයක් සොයාගෙන (ඡායාරූප)

මීටියාගොඩ, බලිමුල්ල ප්‍රදේශයේ නිවසක ඊයේ (15) රාත්‍රියේ වෙඩි තැබීමක් සිදුව තිබෙනවා.

මෙම වෙඩි තැබීමේ දී නිවසේ සිටි පියාට සහ දියණියට වෙඩි වැදී ඇති අතර, ඔවුන් දෙදෙනාට තියුණු ආයුධ ප්‍රහාරයක් ද එල්ල වී ඇති බවයි වාර්තා වන්නේ.

එහිදී බරපතළ තුවාල ලැබූ ඔවුන් දෙදෙනා බලපිටිය මූලික රෝහලට ඇතුළත් කර ඇති බවයි වාර්තා වුණේ.

තිදෙනෙකු හෝ සිව්දෙනෙකුගේ කණ්ඩායමක් විසින් මෙම අපරාධය සිදුකර පළා ගොස් ඇති බවයි පොලිසිය සැකපළ කරන්නේ.

වෙඩි තැබීම සිදු වූ නිවස ආසන්නයේ අයිතිකරුවෙකු නොමැති ත්‍රිරෝද රථයක් දමා ගොස් තිබිය දී සොයාගෙන ඇති බව පොලිස් මාධ්‍ය කොට්ඨාසය සඳහන් කළා.

අපරාධකරුවන් අදාළ ත්‍රිරෝද රථයෙන් පැමිණ ඇති බවටයි විමර්ශන සිදුකරන පොලිසිය සැකපළ කරන්නේ.

වෙඩි ප්‍රහාරයට ලක්වූ පියා 49 හැවිරිදි වියේ පසුව අතර දියණිය 29 හැවිරිදි වියේ පසුවන බවයි වාර්තා වුණේ.