ගෑස් මිල ඉහළ දැමීමට ගනු ලැබූ තීරණයත් සමඟ ෆ්‍රයිඩ් රයිස්, කොත්තු සහ බත් පැකට්ටුවක මිල අද (06) මධ්‍යම රාත්‍රියේ සිට රුපියල් 20.00කින් ඉහළ දමන බව ආපනශාලා හිමියන්ගේ සංගමය පවසනවා.
කෙසේ වෙතත් කෙටි කෑමවල මිල ගණන් ඉහළ දැමීමක් සිදුනොකරන බව සඳහන් කළ එම සංගමයේ සභාපති හර්ෂණ රුක්ෂාන් කෙටි කෑමවල මිල රුපියල් 10.00කින් අඩු කරන බවයි ඔහු සඳහන් කළේ.
පොල්තෙල් මිල පහළ යාමට සාපේක්ෂව කෙටි කෑමවල මිල මෙලෙස රුපියල් 10.00කින් අඩුකර තිබෙනවා.
මේ අතර ගෑස් මිල ඉහළ ගිය ද ප්ලේන් ටී සහ කිරි තේවල මිල ගණන්වල වෙනසක් සිදුනොකරන බව ඔහු වැඩිදුරටත් පැවසුවා.
