මීගොඩ, මුතුහේනවත්ත නඳුන් උයන ප්රදේශයේ නිවසක් ඉදිරිපිටට ඊයේ (13) රාත්රී 10.00ට පමණ වෙඩි තැබීමක් සිදුකර තිබෙනවා.
මුහුණු ආවරණය කරගෙන යතුරුපැදියකින් පැමිණි පුද්ගලයින් දෙදෙනෙකු විසින් මිලි මීටර් නවය වර්ගයේ උණ්ඩ යෙදූ පිස්තෝල වර්ගයේ ගිනි අවියකින් අහසට වෙඩි තබා පළාගොස් ඇති බවයි පොලිසිය පැවසුවේ.
වෙඩික්කරුවන් විසින් එක් වෙඩි ප්රහාරයක් පමණක් එල්ල කර ඇති අතර, එම උණ්ඩය සහ කොපුව නිවස ඉදිරිපිට වැටී තිබියදී සොයාගෙන තිබෙනවා.
එම නිවැසියන් පවසන ආකාරයට ඊයේ (13) දහවල් කාලයේ ද නානදුනන යතුරුපැදියක් පැමිණ නිවස ඉදිරිපිටින් හරවා යළි ගොස් ඇති බවයි පොලිසිය සඳහන් කළේ.
අදාල නිවසේ කාන්තාවක් ඩුබායි රාජ්යයේ කාර්ගෝ සේවාවක් පවත්වාගෙන යන බවත්, එහි ප්රතිඵලයක් ලෙස ඔවුන් බිය කිරීම සඳහා මෙලෙස ආසට වෙඩි තබා පළා ගියාද යන්න පිළිබඳව සැකයක් ඇති බවත්, නැතහොත් වෙනත් අරමුණක් හෝ සම්බන්ධතාවයක් මත මෙම වෙඩි තැබීම සිදුකළා ද යන්න පිළිබඳව විමර්ශන සිදුකරන බවයි පොලිසිය වැඩිදුරටත් පැවසුවේ.
සිද්ධිය වූ ස්ථානයට පැමිණි නුගේගොඩ පොලිස් කොට්ඨාසයේ අපරාධ ස්ථාන පරීක්ෂණ නිලධාරීන් පරීක්ෂණ කටයුතු සිදුකර තිබෙනවා.
