මිනුවන්ගොඩ ප්‍රදේශයේදී යතුරුපැදියකින් ගමන් ගත් පුද්ගලයන් දෙදෙනෙකුට වෙඩි තැබීමේ සිද්ධියට අදාළව පුද්ගලයෙකු කටාන ප්‍රදේශයේදී අත්අඩංගුවට ගෙන තිබෙනවා.
පසුගිය 17 වනදා ටී 56 ගිනි අවියකින් අදාළ වෙඩි තැබීම සිදු වූ අතර එම අපරාධයට ආධාර අනුබල දීමේ චෝදනා මතයි ඊයේ සැකකරුවෙකු අත්අඩංගුවට ගෙන ඇත්තේ.
මෙම පුද්ගලයා මීගමුව දාගොන්න ප්‍රදේශයේ පදිංචි 37 හැවිරිදි අයෙක්.
ඔහු විසින් කුලී පදනම මත ලබා ගත් මෝටර් රථයකින් වෙඩි තැබීමේ සිද්ධියේ ප්‍රධාන සැකකරු සමග ගමන් කර තිබෙනවා.
දැනට විදෙස් ගතව සිටින පුද්ගලයෙකු මෙම අපරාධයට සම්බන්ධ බවට සැක කෙරෙන අතර ඔහු දුරකථනයෙන් සම්බන්ධ වී මෙම අපරාධය මෙහෙයවීමට සහාය දක්වා ඇති බවටයි දැනට සිදු කළ විමර්ශනයේදී හෙළිවී ඇත්තේ.
අත්අඩංගුවට ගත් සැකකරු අද මිනුවන්ගොඩ මහේස්ත්‍රාත් අධිකරණයට ඉදිරිපත් කිරීමට නියමිතයි.
ඔබේ ප්‍රතිචාරය කුමක්ද ?
+1
1
+1
+1
1
+1
1
+1
+1
+1
