අද (04) දිනයේ ඉන්දියාවේ චෙන්නායි බලා පියාසර කිරීමට තිබූ ශ්රී ලන්කන් ගුවන් සේවයේ ගුවන් යානා දෙකක් අවලංගු කිරීමට කටයුතු කර තිබෙනවා.
‘මිජවුම්’ සුළි කුණාටුවත් සමඟ ඉන්දියාවේ තමිල්නාඩු ප්රාන්තයට බලපෑ ඇති අයහපත් කාලගුණ තත්ත්වය හේතුවෙන් මෙම පියවර ගත් බවයි ශ්රී ලන්කන් ගුවන් සේවය සඳහන් කළේ.
ඒ, අනුව අද (04) උදෑසන 6.00ට ගමන් ආරම්භ කිරීමට තිබූ UL 121 දරණ ගුවන් යානය අවලංගු කිරීමට කටයුතු කළ බවයි වාර්තා වුණේ.
එමෙන්ම අද (04) පස්වරුවේ චෙන්නායි බලා පිටත්ව යෑමට ඇති UL 127 දරණ ගුවන් යානය ද මෙම අයහපත් කාලගුණික තත්ත්වය මත වලංගු කර තිබෙනවා.
මේ අතර ඉන්දීය මාධ්ය අද පෙරවරුවේ වාර්තා කළේ ‘මිජවුම්’ සුළි කුණාටුවේ බලපෑමත් සමඟ ඇති වූ අධික වර්ෂාව හේතුවෙන් චෙන්නායි ගුවන් තොටුපොළ ජලයෙන් යටව ඇති බවයි.
මෙම තත්ත්වයත් සමඟ එම ගුවන්තොටුපොළේ මෙහෙයුම් කටයුතුවලට ද දැඩිලෙස බලපෑම් එක්ක වී තිබූ බවයි වාර්තා වුණේ.
