2022 වසරේ ගාලු මුවදොර ගෝඨාගෝගම අරගලයට පහරදීමේ සිද්ධියෙන් පසුව රට පුරා සිදූ වූ ප්රචණ්ඩ ක්රියා හේතුවෙන් විනාශයට පත් වූ මැති ඇමතිවරුන්ගේ නිවාසවලට වන්දි ගෙවීමේ දී මහජන මුදල් අවභාවිතාවක් සිදු වී ඇති බැවින් ඒ පිළිබඳ විමර්ශනයක් පවත්වන ලෙස නියෝගයක් නිකුත් කරන්නැයි ඉල්ලා ශ්රේෂ්ඨාධිකරණයට මූලික අයිතිවාසිකම් පෙත්සමක් ඉදිරිපත් කෙරුණා.
සමාජ ක්රියාකාරිකයකු මෙන්ම පරිසරවේදියකු වන නීතිඥ රවින්ද්රනාත් දාබරේ විසින් මෙම පෙත්සම ඉදිරිපත් කළ බවයි දසත අධිකරණ වාර්තාකරු පැවසුවේ.
එහි වගඋත්තරකරුවන් ලෙස හිටපු ආරක්ෂක අමාත්ය ගෝඨාභය රාජපක්ෂ, හිටපු ආරක්ෂක ලේකම් විශ්රාමික යුද හමුදා මේජර් ජෙනරල් කමල් ගුණරත්න, හිටපු ත්රිවිධ හමුදා මාණ්ඩලික ප්රධානින් ශවේන්ද්ර සිල්වා, හිටපු පොලිස්පති චන්දන වික්රමරත්න, හිටපු මහජන ආරක්ෂක අමාත්යවරුන් වන ටිරාන් අලස් සහ ප්රසන්න රණතුංග, වැඩ බලන පොලිස්පති ප්රියන්ත වීරසූරිය, වත්මන් මහජන ආරක්ෂක අමාත්ය ආනන්ද විජේපාල ඇතුළු 15 දෙනෙකු නම් කර තිබෙනවා.
නීතියට පටහැනි ලෙස වන්දි ගෙවා තිබෙන පුද්ගලයින්ගෙන් එම වන්දි මුදල් යළි අය කර ගැනීමේ නියෝගයක් නිකුත් කරන ලෙසත් පෙත්සමෙන් වැඩිදුරටත් ඉල්ලා සිටිනවා.
