එළඹෙන පාර්ලිමේන්තු මැතිවරණයට අදාළ ප්‍රචාරණ කටයුතු අද (11) මධ්‍යම රාත්‍රියෙන් අවසන් වනවා.
ඒ, අනුව අද (11) මධ්‍යම රාත්‍රියේ සිට නිහඬ කාලසීමාව ක්‍රියාත්මක බවයි මැතිවරණ කොමිෂන් සභාව දැනුම් දෙන්නේ.
එම කාලය තුළ කිසිදු ප්‍රචාරක කටයුත්තක් සිදුකළ නොහැකි බව එම කොමිෂන් සභාව සඳහන් කළා.
මේ අතර අපේක්ෂකයින් විසින් පිහිටුවා ඇති මැතිවරණ කාර්යාල ඉවත් කර ගැනීමට හෙට (12) මධ්‍යම රාත්‍රිය දක්වා කාලය ලබා දී ඇති බව මැතිවරණ කොමිසම නිවේදනයක් නිකුත් කරමින් පැවසුවා.
මේ අතර එම කොමිෂන් සභාව නිවේදනය කරන්නේ එක් එක් ඡන්ද කොට්ඨාස මට්ටමින් පිහිටුවා ඇති නිවේදිත ශාඛා මැතිවරණ කාර්යාල, මැතිවරණ කොට්ඨාස බල ප්‍රදේශ මට්ටමින් පිහිටුවා ඇති නිවේදිත මාධ්‍ය මැතිවරණ කාර්යාල සහ අපේක්ෂකයාගේ පදිංචි නිවස කාර්යාලයක් ලෙස යොදාගෙන ඇත්නම් ඒවා ලබන 15 වනදා මධ්‍යම රාත්‍රිය දක්වා පවත්වාගෙන යා හැකි බවයි.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
