මැතිවරණ මෙහෙයුම් කටයුතු පිළිබඳව සාකච්ඡා කිරීම සඳහා මැතිවරණ කොමිසම අද (11) රැස්වීමට නියමිතව තිබෙනවා.
ඊයේ (10) දිනයේ නාමයෝජනා ලබාගැනීමට දින නියම වූ ප්‍රාද්ශීය සභා තුනකට අදාළ ඡන්ද විමසීම පිළිබඳව ද අද රැස්වන කොමිෂන් සභා රැස්වීමේ දී සාකච්ඡා කිරීමට නියමිත බවයි වාර්තා වුණේ.
එම ඡන්ද විමසීමේ කටයුතු ද අනෙකුත් පළාත් පාලන ආයතන ඡන්ද විමසීම පැවැත්වෙන දිනයේම පැවැත්වීමට දැනට සැලසුම් කර ඇති බවයි එම කොමිසම පැවසුවේ.
එමෙන්ම තැපැල් ඡන්ද කටයුතු සම්බන්ධයෙන් ද අද රැස්වන කොමිෂන් සභාවේදී සාකච්ඡා කිරීමට නියමිත බව සඳහන්.
මේ අතර එළඹෙන පළාත් පාලන ඡන්ද විමසීම සඳහා නව ඡන්ද දායකයින් 155,976 දෙනෙකු සුදුසුකම් ලබා සිටින බව මැතිවරණ කොමිෂන් සභාව සඳහන් කරනවා.
පසුගිය වසරේ පැවති පාර්ලිමේන්තු මැතිවරණය සහ ජනාධිපතිවරණය සඳහා සුදුසුකම් ලැබූ ඡන්ද දායකයින්ට අමතරව මෙම නව ඡන්ද දායකයින් සුදුසුකම් ලබා ඇති බව වාර්තා වෙයි.
ඒ, අනුව මෙවර පළාත් පළාන ආයතන ඡන්ද විමසීම සඳහා ඡන්ද දායකයින් එක්කෝටි හැත්තෑ දෙලක්ෂ අනූ හයදහස් තුන්සීය තිස්දෙනෙකු සුදුසුකම් ලබා ඇති බව සඳහන්.
