2024 පාර්ලිමේන්තු මැතිවරණයට අදාළව සමාජ මාධ්‍ය ඔස්සේ පැතිර යන අසත්‍ය ප්‍රචාර විමර්ශනය කිරීම සඳහා මැතිවරණ කොමිෂන් සභාව විසින් විශේෂ කණ්ඩායමක් පත් කර තිබෙනවා.
දේශපාලන පක්ෂ හෝ අපේක්ෂකයින් සම්බන්ධ ඕනෑම අසත්‍ය ප්‍රචාර හෝ නොමඟ යවන ප්‍රකාශ සඳහා ෆේස්බුක්, ඉන්ස්ටර්ග්‍රෑම් සහ ටික ටෝක් වැනි සමාජ මාධ්‍ය වේදිකා නිරීක්ෂණය කරන නිලධාරීන් පස්දෙනෙකු මෙම කණ්ඩායමට ඇතුළත් වනවා.
මෙම සමාජ මාධ්‍ය වේදිකාවලින් එවැනි පළ කිරීම් ඉවත් කිරීමට පියවර ගන්නා බවයි මැතිවරණ කොමිසම පවසන්නේ.
මැතිවරණ කොමිෂන් සභාව වැඩිදුරටත් පෙන්වා දෙන්නේ බරපතළ නීති කඩකිරීම් සම්බන්ධයෙන් නීතිමය පියවර ගන්නා බවයි.
මේ අතර මැතිවරණ ප්‍රචාරණ කටයුතු සදහා ලබා දී තිබූ කාලය හෙට (11) මධ්‍යම රාත්‍රියෙන් අවසන් වනවා.
කෙසේ වෙතත් එක් එක් පක්ෂ විසින් පිහිටුවා ඇති පක්ෂ කාර්යාල ඉවත්කර ගැනීමට සඳහා 12 වනදා මධ්‍යම රාත්‍රිය දක්වා කාලය ලබා දී තිබෙනවා.
