පළාත් පාලන මැතිවරණය පැවැත්වීම සඳහා අවශ්ය මුදල් නිදහස් කරන ලෙස මැතිවරණ කොමිසම මුදල් අමාත්යාංශයෙන් පසුගියදා කළ ඉල්ලීම මුදල් අමාත්යවරයා වෙත යොමු කර ඇති බව ජාතික මැතිවරණ කොමිසමේ සභාපති නිමල් පුංචිහේවා මහතා පවසනවා.
ශ්රේෂ්ඨාධිකරණ නියෝගයකට අනුව මැතිවරණ කොමිෂන් සභාව සහ මැතිවරණ ක්රියාවලියට සම්බන්ධ පාර්ශව කිහිපයක් අතර පැවති සාකච්ඡාවලින් අනතුරුවයි මෙම ඉල්ලීම සිදුකර ඇත්තේ.
මුදල් නොමැතිකම සහ ඡන්ද පත්රිකා මුද්රණය ප්රමාද වීම හේතුවෙන් මැතිවරණය කල් දැමීමට තීරණය කළ බව මැතිවරණ කොමිසම මීට පෙර ප්රකාශ කළා.
ඒ අනුව පෙරේදා (10) නව මැතිවරණ දිනය ප්රකාශයට පත් කරමින් දිස්ත්රික් තේරීම්භාර නිලධාරීන් විසින් අති විශේෂ ගැසට් නිවේදනයක් නිකුත් කරන ලද අතර එම ගැසට් පත්රයට අනුව පළාත් පාලන මැතිවරණය අප්රේල් මස 25 වැනිදා පැවැත්වීමට නියමිතයි.
මේ අතර, මැතිවරණ කොමිෂන් සභාව සමඟ පැවති සාකච්ඡාවකින් අනතුරුව, ඡන්ද පත්රිකා සහ මැතිවරණයට අදාළ ද්රව්ය මුද්රණය කිරීම සඳහා අවශ්ය මුදල් නිදහස් කරන ලෙස රජයේ මුද්රණ දෙපාර්තමේන්තුව ද මුදල් අමාත්යාංශයෙන් ඉල්ලා තිබෙනවා.
මුද්රණ ක්රියාවලියේදී අමතර පොලිස් ආරක්ෂාවක් ද දෙපාර්තමේන්තුව ඉල්ලා ඇති බවයි වාර්තා වන්නේ.
මේ අතර ලබන සතිය තුළ රුපියල් මිලියන 100 ක මුදලක් නොලැබෙන්නේ නම් අප්රේල් 25 වනදා පළාත් පාලන ආයතන ඡන්ද විමසීම පැවැත්වීමට නොහැකි තත්ත්වයක් උද්ගත වන බව මැතිවරණ කොමිෂන් සභාව පවසනවා.
එහි සභාපති නිමල් ජී. පුංචිහේවා ප්රකාශ කර ඇත්තේ මැතිවරණයට අදාළ මූලික කටයුතු සිදුකිරීමට අවම වශයෙන් එම මුදල අවශ්ය වන බවයි.
පළාත් පාලන ආයතන ඡන්ද විමසීම සඳහා මැතිවරණ කොමිසම ඉල්ලා ඇති සමස්ථ මුදල රුපියල් මිලියන 1,100 ක්.
