පාදුක්ක – පිටකොටුව පෞද්ගලික බස් රථයක් මාකුඹුර බහුවිධ ප්රවාහන මධ්යස්ථානයේ ආරක්ෂිත වීදුරුවෙහි ගැටී අනතුරක් සිදු ව තිබෙනවා.
මෙම අනතුර අද (12) දහවල් සිදු ව ඇති අතර, අනතුරින් බස් රථයේ ගමන් ගත් මගීන් පස්දෙනෙකු තුවාල ලබා හෝමාගම මූලික රෝහලට ඇතුළත් කර ඇති බවයි හෝමාගම මූලස්ථාන පොලිසිය පවසන්නේ.
සිදු වූ අනතුරින් අදාළ පර්යන්තය සමීපයෙහි නවතා තිබූ බස් රථයකට සුළු අලාභ හානි සිදු ව තිබෙනවා.
පිටකොටුව සිට පාදුක්ක දක්වා මගීන් ප්රවාහනය කරමින් තිබූ පෞද්ගලික බස් රථයක් තවත් මගීන් පටවා ගැනීම සඳහා බහුවිධ ප්රවාහන මධ්යස්ථානයේ පර්යන්තයට පැමිණීමේ දී බස් රථයේ ඇති වූ කාර්මික දෝෂයක් හේතුවෙන් බහුවිධ ප්රවාහන මධ්යස්ථානයේ ආරක්ෂිත වීදුරුවේ ගැටී එහි වීදුරු දෙකක් සම්පූර්ණයෙන් ම විනාශ වී ආරක්ෂිත කණුවකට ද හානි සිදු ව ඇති බවයි අප ප්රාදේශීය වාර්තාකරු පැවසුවේ.
මෙම අනතුරින් සිදු වූ අලාභය රුපියල් ලක්ෂ 50කට අධික බවත් වාර්තා වනවා.
සිද්ධිය සිදුවන ආකාරය අසල සවිකර තිබූ ආරක්ෂිත කැමරාවක ද සටහන් ව ඇති අතර, සිද්ධිය සම්බන්ධයෙන් හෝමාගම පොලිසිය වැඩිදුර විමර්ශන සිදු කරනවා.
