නීතිවිරෝධී ලෙස රාත්‍රී කාලයේ කිමිදුම් කටයුතු සිදු කළ සැකකරුවන් 05 දෙනෙකු මන්නාරමේ දී නාවික හමුදා භාරයට ගෙන තිබෙනවා.
ශ්‍රී ලංකා නාවික හමුදා මාධ්‍ය අංශය නිවේදනය කළේ; මන්නාරම වංකාලේ ප්‍රදේශයේ සහ සිලාවතුර වෙරළ ප්‍රදේශ කේන්ද්‍ර කරගනිමින් ඊයේ (13) සිදු කළ විශේෂ සෝදිසි මෙහෙයුම් මගින් සැකකරුවන් ව නාවික හමුදා භාරයට ගත් බවයි.
මෙම සැකකරුවන් මුහුදේ කිමිදුම් කටයුතු සිදු කරමින් අල්ලන ලද මුහුදු කූඩැල්ලන් 1659ක පමණ තොගයක් ද සොයා ගැනුණා.
නාවික හමුදා භාරයට ගත් සැකකරුවන් වයස අවුරුදු 28 ත් 62 ත් අතර පසුවන වංකාලේ සහ සිලාවතුර යන ප්‍රදේශවල පදිංචිකරුවන්.
එම සැකකරුවන් සහ මුහුදු කූඩැල්ලන් තොගය ඉදිරි නීතිමය කටයුතු සඳහා මන්නාරම සහකාර ධීවර පරීක්‍ෂක කාර්යාලය සහ සිලාවතුර ධීවර පරීක්‍ෂක කාර්යාලය වෙත භාරදීමට කටයුතු කෙරුණා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
