පාර්ලිමේන්තු ඡන්ද විමසීම නොවැම්බර් මස 14 වනදා පැවැත්වීමට ගෙන තිබෙන තීරණය ආණ්ඩුක්රම ව්යවස්ථාවට පටහැනි බවට තීන්දුවක් ලබාදෙන ඉල්ලා ගොනුකර තිබෙන පෙත්සම; විභාගයට නොගෙන නිෂ්ප්රභ කිරීමට ශ්රේෂ්ඨාධිකරණය අද (04) තීරණය කළා.
රීති පද්මන් සූරසේන, ශිරාන් ගුණරත්න සහ ප්රියන්ත ප්රනාන්දු යන මහත්වරුන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ල දීර්ඝ කරුණු සලකා බැලීමකින් අනතුරුව මෙම නියෝගය නිකුත් කරනු ලැබුවා.
සිවිල් සංවිධාන ක්රියාකාරිකයෙකු මෙන්ම “අපි ශ්රී ලංකා ජාතික සංවිධානයේ” කැඳවුම්කරු එච්.එම්. ප්රියන්ත හේරත් විසින් මෙම පෙත්සම ඉදිරිපත් කර තිබුණා.
මෙම පෙත්සම ගොනුකරමින් පෙත්සම්කරු කියා තිබුණේ පාර්ලිමේන්තු ඡන්ද විමසීම පනතේ 10 වන වගන්තිය ප්රකාරව නාමයෝජනා කැඳවීම ඔක්තෝබර් මස 04 වනදා සිට ඔක්තෝබර් මස 11 වනදා දක්වා දින නියම කළ බවයි.
මැතිවරණ පනත ප්රකාරව නාමයෝජනා භාරගැනීම අවසන් වූ දින සිට සති 05කට නොඅඩු කාලයක් සහ සති 06කට නොවැඩි කාලයක් තුළ ඡන්ද විමසීම සඳහා දින නියම කළ යුතු බව අදාළ පෙත්සම මඟින් පෙන්වා දී තිබුණා.
ඒ, අනුව නාමයෝජනා භාරගැනීම අවසන් වූ ඔක්තෝබර් මස 11 වනදා සිට සති 05ක කාලය නොවැම්බර් මස 15 වනදා අවසන් වන අතර; සති 07ක කාලය නොවැම්බර් මස 29 වනදා සම්පූර්ණ වන බවත් පෙත්සමේ සඳහන්.
එහෙත් පාර්ලිමේන්තු ඡන්ද විමසීම නියම කර තිබෙන නොවැම්බර් මස 14 වනදා එම නීතිමය කාලසීමාවට ඇතුළත් නොවන බැවින් එදින පාර්ලිමේන්තු ඡන්ද විමසීම පැවැත්වීම නීතියට පටහැනි බවත් පෙත්සම්කරු පේනවා දී තිබුණා.
