මහාචාර්ය ස්ටීව් හාන්ස්ගේ හෙළිදරව්ව මෙන්න
ශ්රී ලංකාවේ මහ බැංකුව අහෝසි නොකළහොත් ජාත්යන්තර මූල්ය අරමුදලෙන් ලබා ණය පවා කුණු කාණුවකට දැම්මා හා සමාන වන බව ලෝක ප්රකට ආර්ථික විද්යාඥ, ජෝන් හොප්කින්ස් විශ්වවිද්යාලයේ ව්යවහාරික ආර්ථික විද්යාව පිළිබඳ මහාචාර්ය ස්ටීව් හෑන්ක් මහතා පවසයි.
ට්විටර් පණිවිඩයක් නිකුත් කරමින් ඔහු සඳහන් කරන්නේ, 2022 ජනවාරි 1 වන දා සිට අමෙරිකානු ඩොලරයට සාපේක්ෂව රුපියල ආසන්න වශයෙන් 48%කින් අවප්රමාණය වී ඇති බව ය.
එසේම ශ්රී ලංකාවේ වාර්ෂික උද්ධමනය 120%ක් දක්වා ඉහළ ගොස් ඇති බව ද ඔහු පෙන්වා දී ඇත.
මහාචාර්යවරයා වැඩිදුරටත් සඳහන් කරන්නේ, ශ්රී ලංකාව ජාත්යන්තර මූල්ය අරමුදලෙන් හදිසි මූල්යාධාර ඉල්ලා ඇති බව ත් මහ බැංකුව අහෝසි නොකරන තුරු ශ්රී ලංකාවේ ආර්ථිකය මරණයට ගොදුරු වීම වැළැක්විය නොහැකි බව ත් ය.
මීට පෙර ද මහාචාර්ය ස්ටීව් හෑන්ක් මහතා පෙන්වා දී තිබුණේ, පවතින ආර්ථික අර්බුදයෙන් සහනයක් ලැබීමට නම් 1884 වසරේ සිට 1950 දක්වා තිබූ පරිදි ශ්රී ලංකාව, මහ බැංකුව අහෝසි කර මුදල් මණ්ඩලයක් ස්ථාපනය කිරීමට අවශ්ය බව ය.
