ශ්රී ලංකා ක්රිකට් හිටපු නායක මහේල ජයවර්ධන Dream T20 කණ්ඩායමේ පළමු ක්රීඩකයින් පස්දෙනා නම්කර තිබෙනවා.
මීට අමතරව එම කණ්ඩායම සඳහා ක්රීඩා කිරීමට විශ්රාම ගිය ක්රීඩකයෙකු නම් කිරීමේ අවස්ථාව ද මහේලට හිමිව ඇති අතර ඒ සඳහා ද මහේල විසින් ක්රීඩකයෙකු නම්කර ඇති බවයි ක්රීඩා මාධ්ය වාර්තාකර තිබුණේ.
ICC සදාතනික ක්රීඩකයෙකු ලෙස සම්මානයට පාත්ර වූ මහේල ජයවර්ධන විසින් Dream T20 කණ්ඩායම වෙනුවෙන් නම් කළ පළමු ක්රීඩකයින් පස්දෙනා වන්නේ ඇෆ්ගනිස්ථාන දඟ පන්දුයවන ක්රීඩක රෂිඩ් ඛාන්, පාකිස්ථාන වේග පන්දුයවන ක්රීඩක ෂහීන් අෆ්රිඩි, ඉන්දීය වේග පන්දුයවන ක්රීඩක ජස්ප්රිත් බුම්රා, එංගලන්ත පිතිකරු ජෝෂ් බට්ලර් සහ පාකිස්ථාන පිතිකරු මොහොමඩ් රස්වාන් යන ක්රීඩකයින්.
මෙම ක්රීඩකයින් පස්දෙනාට අමතරව එම කණ්ඩායම වෙනුවෙන් ක්රීඩා කිරීමට නම්කර ඇති විශ්රාම ගිය ක්රීඩකයා වන්නේ බටහිර ඉන්දීය කොදෙව් ක්රීඩක ක්රිස් ගේල් වීම විශේෂත්වයක්.
“ජෝස් බට්ලර් සමඟ පිතිකරණය ආරම්භ කිරීමට මම ක්රිස් ගේල් ගන්නවා. එය විශිෂ්ට සංයෝජනයක් වනු ඇති, 2007 දී දකුණු අප්රිකාවේ පැවති එම පළමු T20 ලෝක කුසලානයේදී ඔහුගේ උච්චතම ස්ථානයේ සිටි අතර දකුණු අප්රිකාවට එරෙහිව එම මංගල ශතකය විශේෂ දෙයක් වුණා. ක්රිස්ට ක්රීඩාවක් වෙනස් කළ හැකි නිසා මම ක්රිස්ව ඉහළින්ම ගන්නවා.” යනුවෙන් මහේල පවසා සිටියා.
මහේල ජයවර්ධන මේ වන විට ඉන්දීය ප්රිමියර් ලීග් තරගාවලිය තුළ මුම්බායි ඉන්දියන්ස් කණ්ඩායමේ ප්රධාන පුහුණුකරු ලෙස කටයුතු කරන අතර මහේල විසින් Dream T20 කණ්ඩායමට නම් කළ ක්රීඩකයින් පස් දෙනාගෙන් ක්රීඩකයින් තිදෙනෙක්ම මේ වනවිට අයි.පී.එල්. පිටියේ සුපිරි දක්ෂතා දක්වන ක්රීඩකයින්.
