මහපොළ ශිෂ්‍යාධාර ඇතුළු අධ්‍යාපනික ක්ෂේත්‍රයට 2025 අයවැයෙන් නව සහන මල්ලක්
මෙවර අයවැය යෝජනා මගින්;
01.මහපොළ ශිෂ්‍යාධාරය රුපියල් 5000 සිට 7500ක් දක්වා ඉහළ දැමීම
02.පාසල් සිසුන්ගේ ශිෂ්‍යාධාර මුදල රුපියල් 750 සිට 1000 දක්වා ඉහළ දැමීම
03.පෙරපාසල් ගුරුවරුන්ගේ දීමනා ඉහළ දැමීමට රුපියල් මිලියන 100ක් වෙන් කෙරේ
04.පෙරපාසල් දරුවෙකුගේ උදෑසන ආහාර වේලකට රුපියල් මිලියන 100ක් වෙන් කෙරේ
ආදි අධ්‍යාපනික අවශ්‍යතා සඳහා වැඩි ඉඩක් මෙවර අයවැයෙන් හිමිකර තිබෙනවා.
මේ අතර සෞඛ්‍ය ක්ෂේත්‍රයේ අභිවෘද්ධිය වෙනුවෙන් 2025 අයවැයෙන් රුපියල් බිලියන 604ක් වෙන් කර තිබෙනවා.
ඊට අමතරව;
05.ඖෂධ සැපයීම සඳහා රුපියල් මිලියන 185ක් වෙන් කෙරේ
06.වතු රෝහල් සඳහා මානව සම්පත් සහ ඖෂධ රජයෙන් ලබාදේ
07.ගැබිණි මව්වරුන්ගේ පෝෂණය සඳහා රුපියල් මිලියන 7000ක් වෙන් කෙරේ
08.කාන්තා සවිබල ගැන්වීම සහ කාන්තාවන් සුරැකීමේ වැඩසටහන සඳහා රුපියල් මිලියන 120ක්
09.ත්‍රිපෝෂ වැඩසටහන වෙනුවෙන් රුපියල් මිලියන 5000ක්
වෙන් කර තිබෙනවා.
මීට අමතරව නවෝත්පාදන සහ නව නිර්මාණ ප්‍රවර්ධනයට රුපියල් මිලියන 1000ක් ද
අධික ලෙස වියදම් වන සහ අධික නඩත්තුවක් දැරීමට සිදුවන රජයේ වාහන වෙන්දේසි කිරීමට ද අයවැයෙන් තීරණය කර තිබෙනවා.
සුළු හා මාධ්‍ය පරිමාණ ව්‍යවසායකයින් සඳහා සංවර්ධන බැංකුවක් ස්ථාපිත කර පරිපාලනයට රාජ්‍ය බැංකුවල සහාය ලබාදීමට මෙවර අයවැයෙන් යෝජනා වුණා.
මෙම සියලු දීමනා එළඹෙන අප්‍රේල් මාසයේ සිට ක්‍රියාත්මක වනු ඇති.
