බටහිර ඉන්දීය කොදෙව් කණ්ඩායම සමඟ ආරම්භවීමට නියමිත එක්දින තරගාවලියෙන් බංග්ලාදේශ තුන් ඉරියව් ක්‍රීඩක ෂකීබ් අල් හසන් ඉවත්ව තිබෙනවා.
ඒ, අනුව ලබන 08න වනදා ආරම්භ වන තරග තුනකින් සමන්විත එක්දින තරගාවලිය වෙනුවෙන් ඔහු බංග්ලාදේශ කණ්ඩායම නියෝජන නොකරන බවයි වාර්තා වන්නේ.
එලෙස බංග්ලාදේශ කණ්ඩායමෙන් ඉවත් වූ ඔහු ලංකා T10 ලීගය සඳහා එක්වන බවයි විදෙස් මාධ්‍ය වාර්තා කර ඇත්තේ.
මේ අතර ආරක්‍ෂක හේතූන් මධ්‍යයේ තම මව්බිමේ දී සමුගැනීමේ ටෙස්ට් වරම් නොලැබුණු ෂකීබ් එළඹෙන චැම්පියන්ස් කුසලානය සඳහා තම රට නියෝජනය කිරීමට අවශ්‍ය බව ප්‍රකාශ කර තිබෙනවා.
කෙසේ වෙතත් ෂකිබ්ගේ මෙම ක්‍රියාව සම්බන්ධයෙන් බංග්ලාදේශ ක්‍රිකට් පාලක මණ්ඩලයේ ඇතැම් නිලධාරීන් නොසතුට පළකර ඇති අතර, ෂකීබ්ගේ මානසික යහපැවැත්ම ගැන කනස්සල්ල පළ කළ ඇතැම් නිලධාරීන්, ඔහු මේ වන විට තම රට නියෝජනය කිරීමට සුදුසු තත්ත්වයේ නොසිටින බවයි පවසා ඇත්තේ.
ෂකීබ් දෙසැම්බර් 12 සිට 22 දක්වා ලංකා T10 ලීගයට සහභාගී වන අතර, එහිදී ඔහු ප්ලැටිනම් ක්‍රීඩකයෙකු ලෙස ගෝල් මාවල්ස් කණ්ඩායම සමඟ ගිවිසුම් ගතව සිටිනවා.
