මරණය ළඟා කළ අධික වේගය

යතුරුපැදියක් මාර්ගයෙන් ඉවතට පැන සිදුවූ අනතුරකින් පුද්ගලයෙකු මියගොස් ඇති බව ආණමඩුව පොලිසිය පවසනවා.

ඊයේ (02) රාත්‍රී 8.15 ට පමණ ආණමඩුව – හලාවත මාර්ගයේ මුදලක්කුලිය ප්‍රදේශයේදී මෙම අනතුර සිදුව ඇති අතර, අනතුරෙන් මියගොස් ඇත්තේ රස්නායකපුර,ඉහළ ඔට්ටුක්කුලම පදිංචිව සිටි සුමිත් චමින්ද කුමාර නැමැති 26 හැවිරිදි අයෙක්.

හලාවත දෙස සිට ආණමඩුව දෙසට ධාවනය වී ඇති යතුරුපැදිය මුදලක්කුලිය ප්‍රදේශයේ දී මාර්ගයෙන් ඉවතට පැන පෙරළී යාමෙන් මෙම අනතුර සිදුව තිබෙනවා.

අනතුරින් තුවාල ලබා සිටි යතුරුපැදිකරු එම අවස්ථාවේදීම ප්‍රතිකාර සදහා ආණමඩුව දිසා රෝහලට ඇතුළත් කර ඇති නමුත් ඔහු මිය ගොස් ඇති බවයි අප වාර්තාකරු පැවසුවේ.

අධික වේගයෙන් ධාවනය වූ යතුරුපැදිය පාලනයකර ගැනීමට නොහැකිව මෙම අනතුර සිදුව ඇති බවයි පරීක්ෂණ පවත්වන පොලිසිය සඳහන් කළේ.