ට්රම්ප් ගේ මැදිහත් වීම සිදු නොවන්නනට ඉන්දියාව සහ පාකිස්ථානය අතර යුධ ගැටුම්වලින් මිනිස් ජීවිත මිලියන 35ක් පමණ අහිමි වීමට තිබූ බව පාකිස්තාන අගමැති ෂෙබාස් ෂරීෆ් තමන් සමඟ පැවසූ බව අමෙරිකානු ජනාධිපති ඩොනල්ඩ් ට්රම්ප් නිවේදනය කර තිබෙනවා.
ජනාධිපති ට්රම්ප් විසින් මේ බව සඳහන් කර සිටියේ අමෙරිකානු කොංග්රසයේ දී දේශනයක් සිදු කරමින්.
ඔහු මෙවර බලයට පත්වී මුල් මාස 10 තුළ රටවල් ආතර පැවති යුධමය තත්ත්ව 08ක් අවසන් කළ බවත් 09වන යුද්ධය අවසන් කිරීම ලෙස රුසියාව සහ යුක්රේනය අතර යුද්ධය අවසන් කිරීමට ඉතා වෙහෙස මහන්සි වී වැඩ කරන බවත් ට්රම්ප් කියා සිටියා.
“අපි ඇමරිකානුවන්ට දේශීය හා විදේශීය වශයෙන් ආඩම්බරයෙන් ආරක්ෂාව ප්රතිෂ්ඨාපනය කරනවා. මගේ මුල් මාස දහය තුළ මම යුද්ධ අටක් අවසන් කළා. පකිස්ථානය සහ ඉන්දියාව අතර න්යෂ්ටික යුද්ධයක් ඇති වෙන්න තිබුණා,” ට්රම්ප් එහිදී වැඩිදුරටත් සඳහන් කළා.
