තණමල්විල නගරයේ පැරණි සුරාසැල පිහිටි ගොඩනැගිල්ල පිටුපසදී පහරදීමක් හේතුවෙන් පුද්ගලයෙකු ජීවිතක්ෂයට පත්වී තිබෙනවා.
පහරදීමක් හේතුවෙන් තුවාල සහිතව පුද්ගලයෙකු වැටී සිටින බවට පොලිසියට ලැබුණු තොරතුරකට අනුව අදාළ පුද්ගලයා තණමල්විල රෝහලට ඇතුලත් කිරීමේදී මියගොස් ඇති බවයි පොලිසිය සඳහන් කළේ.
මෙලෙස මියගොස් ඇත්තේ තණමල්විල ගාමිණීපුර ප්රදේශයේ පදිංචි 47 හැවිරිදි අයෙක්.
ඔහු තවත් පුද්ගලයන් තුන් දෙනෙකු සමග මත්පැන් පානය කරමින් සිටියදී ඇති වූ ආරවුලක් හේතුවෙන් මෙම ඝාතනය සිදුවී ඇතැයි හෙළිවී තිබෙනවා.
එම ආරවුල අවස්ථාවේ මියගොස් ඇති පුද්ගලයා එම ස්ථානයේ සිටි අයෙකුට බෝතලයකින් පහරදී ඇති අතර අනතුරුව පහරකෑමට ලක්වූ පුද්ගලයා ද එම ස්ථානයේ තිබූ තවත් වීදුරු බෝතලයකින් මරණකරුගේ හිසට පහරදී මෙම ඝාතනය සිදු කර ඇති බවටයි අනාවරණ වී ඇත්තේ.
අපරාධය සම්බන්ධයෙන් තණමල්විල ප්රදේශයේ පදිංචි 23 හැවිරිදි තරුණයෙකු අත්අඩංගුවට ගෙන තිබෙනවා.
මියගොස් ඇති පුද්ගලයාගේ සිරුර තණමල්විල රෝහලේ තැන්පත් කර ඇති අතර වැඩිදුර පොලිස් පරීක්ෂණ ක්රියාත්මකයි. සැකකරුවන් වැල්ලවාය මහේස්ත්රාත් අධිකරණයට ඉදිරිපත් කිරීමට නියමිතව තිබෙනවා.
