මෙරට ධාවනය කෙරෙන වාහනවලින් 90%ක වායු විමෝචනය ප්රමිතියෙන් තොර බව පාර්ලිමේන්තුවේ බල ශක්ති හා ප්රවාහන පිළිබඳ ආංශික අධීක්ෂණ කාරක සභාවේදී අනාවරණය වී තිබෙනවා.
කාරක සභාව එහි සභාපති පාර්ලිමේන්තු මන්ත්රී නාලක බණ්ඩාර කෝට්ටේගොඩ මහතාගේ ප්රධානත්වයෙන් රැස්වූ අතර ආංශික අධීක්ෂණ කාරක සභා සඳහා තෝරා ගන්නා ලද තරුණ නියෝජිතයන්ද කාරක සභාවට සහභාගී වුණා.
මෙරටට මගී ප්රවාහන බස් රථ ගෙන්වීම සඳහා අවම ප්රමිතියක් සකස් කිරීමට අදාළ යෝජනාව ප්රවාහන අමාත්යාංශය විසින් කමිටුව වෙත ඉදිරිපත් කළ අතර, ඒ පිළිබඳ එහිදී දීර්ඝ වශයෙන් සාකච්ඡා කර තිබෙනවා.
මෙරටට මගී බස් රථ ආනයනය කිරීමේදී අවම ප්රමිතියක් සකස් කිරීමට කමිටු රැස්වීම කැදවා තිබූ අතර, ඒ සඳහා ආයතන 18ක් කැඳවා තිබුණා.
ඒ පිළිබඳ දීර්ඝ සාකච්ඡා කිරීමකින් අනතුරුවයි ඉදිරියේදී මෙරටට මගී බස් රථ ආනයනය කිරීමේදී කමිටුව තීරණය කළ නිර්ණායකවලට අනුකූලව බස් රථ ගෙන්විය යූතු බවට කම්ටුවේදී තීරණය වී ඇත්තේ.
ශ්රී ලංකාවේ ධාවනය කෙරෙන වහානවලින් 90%ක් වායු විමෝචන ප්රමිතියෙන් තොර බවත් වාර්ෂිකව වායු විමෝචනයට ඉදිරිපත් කෙරෙන වාහනවලින් 20%ක් වායු විමෝචනය අසමත් වන බවද කමිටුවේදී හෙළි වී තිබෙනවා. ලංකාවේ ධාවනය කෙරෙන වාහනවලින් 90% කින්ම අහිතකර වායු පරිසරයට මුදා හරින බව ද අනාවරණ වී තිබෙනවා.
කමිටුවට සහභාගිවූ ආයතනය ඊට අදාළ කරුණු ඉදිරිපත් කළ අතර කමිටු සභාපති නාලක බණ්ඩාර කෝට්ටේගොඩ මහතා අදාළ අංශවලට නියෝග කළේ මගී ප්රවාහන බස් රථ ආනයනය සහ වාහනවල වායු විමෝචනය අධීක්ෂණය පරීක්ෂණය සහ නියාමය පිළිබදව කරුණු ඇතුලත් වාර්තාවක් මාස දෙකක් ඇතුලත කමිටුවට ඉදිරිපත් කරන ලෙසයි.
