සෞඛ්ය නිර්දේශ නොමැතිව පැවැත්වූ විවාහ මංගල උත්සවයකට සහභාගි වූ රඹෑව ප්රාදේශීය සභාවේ වැඩ බලන සභාපතිවරයා ඇතුළු මන්ත්රීවරුන් පස් දෙනෙකු, මනාල යුවළ ඇතුළු තවත් පුද්ගලයන් 45 දෙනෙකු කොවිඩ්-19 අවදානම හේතුවෙන් නිවෙස්වල ස්වයං නිරෝධායනය කළ බව සෞඛ්ය අංශ පවසයි.
ගම්පහ, ලංකා ගමනාගමන මණ්ඩලයේ රියැදුරෙකු රඹෑව නගර ආසන්නයේ පැවති විවාහ මංගල උත්සවයකට සහභාගීව ඇති අතර ඔහුට කොරෝනාවෛරසය ආසාදනය වී ඇති බව අනාවරණය කර ගැනීමට සෞඛ්ය අංශ සමත්වීමෙන් පසුව මන්ත්රීවරුන් පස්දෙනා ඇතුළු 50 දෙනෙකු ස්වයං නිරෝධායනයට යොමුකර තිබේ.
රඹෑව ප්රාදේශීය සභාවේ වැඩ බලන සභාපතිවරයා ඇතුළු පිරිස හා පවුල් 15ක පමණ පුද්ගලයන් 45ක පමණ ප්රමාණයක් ස්වයං නිරෝධායනයට යොමුකර තිබේ. ප්රදේශය භාර මහජන සෞඛ්ය පරීක්ෂක නිලධාරීවරයාව කිසිදු දැනුවත් කිරීමක් නොමැතිව මෙම විවාහ මංගල උත්සවය උත්සව ශාලාවක පවත්වා තිබෙන අතර පැමිණි පිරිස හරිහැටි අනාවරණය කර ගැනීම පවා සෞඛ්ය අංශවලට නොහැකිවී තිබේ.
