ඉන්දියාවේ කන්නඩ (Kannada) සිනමා නිළියක් මෙන් ම වැඩි වශයෙන් එරට රූපවාහිනී ටෙලිකතාංග නිළියක් ලෙස රඟපෑ ශෝභිත ශිවන්තා නමැති සුරූපිණිය ජීවිතක්ෂයට පත් ව තිබෙනවා.
අද (02) අලුයම ඇය හයිද්‍රාබාද් හි දී මියගොස් ඇති බවයි වාර්තා වන්නේ.
ගචිබෝලි පොලිස් ස්ථාන බල ප්‍රදේශයට අයත් කොන්ඩාපූර් හි පිහිටි ඇයගේ දෙමහල් නිවසේ උඩු මහලේ දී ඇය ගෙළ වැළලාගෙන සියදිවි නසාගෙන ඇති බව වාර්තා වනවා.
සියදිවි නසා ගැනීමට හේතුවක් මෙතෙක් හෙළි වී නොමැති බවත් සිරුර සම්බන්ධයෙන් පශ්චාත් මරණ පරීක්ෂණ කටයුතු සඳහා සිරුර ගාන්ධි රෝහලට යවා ඇති බවත් වාර්තා වනවා.
ශෝභිත ”Eradondla Mooru, ATM: Attempt to Murder, Ondh Kathe Hella, Jackpot, සහ Vandana ඇතුළු ජනප්‍රිය චිත්‍රපට කිහිපයකම මෙන් ම ගාලිපාත, මංගල ගෞරි, කෝගිලේ, බ්‍රහ්මගන්තු, ක්‍රිෂ්ණා රුක්මිණි, වැනි රූපවාහිනී කතාමාලාවල ද නිත්‍ය චරිතයක් ලෙසටයි රංගනයෙන් දායක වී ඇත්තේ.
