ගංවතුර හා නායයෑම් හේතුවෙන් බොස්නියාවේ 19 දෙනෙකු ජීවිතක්ෂයට පත්ව ඇති බව විදෙස් මාධ්‍ය වාර්තා කරනවා.
මධ්‍යම බොස්නියාවේ හර්සගොවිනා ප්‍රදේශයේයි දරුණුතම ගංවතුර හා නායයෑම් තත්ත්වයන් ඇති වී තිබෙන බවයි විදෙස් මාධ්‍ය පෙන්වා දෙන්නේ.
පුද්ගලයන් රැසක් අයහපත් කාලගුණය හේතුවෙන් අතුරුදන් ව ඇති අතර හදිසි තත්ත්වයක් ද ප්‍රකාශයට පත්කර ඇති බව සඳහන්.
එරට සංවර්ධන අමාත්‍ය වොජින් මිජාටොවික් පැවසුවේ රට දරුණු ව්‍යසනයකට මුහුණ දී ඇති අතර සන්සුන් වන ලෙස ජනතාවගෙන් ඉල්ලා සිටින බවයි.
මේ අතර නෙරෙට්වා ගංගාව දිගේ දිවෙන ප්‍රධාන දුම්රිය මාර්ගයට ද ගංවතුර තත්ත්වය හේතුවෙන් හානි වී තිබෙනවා.
ජබ්ලානිකා නගරයට දකුණින් වූ ගංගාවක් ආසන්නයේ ඇති වූ නාය යෑමකින් මීටර් 200ක දුම්රිය මාර්ගයට දැඩි හානි සිදුවී ඇති බවයි සී එන් එන් පුවත් වෙබ් අඩවිය පෙන්වා දෙන්නේ.
ඔබේ ප්‍රතිචාරය කුමක්ද ?
+1
+1
+1
+1
+1
1
+1
+1
