බිරිඳ හා කුඩා දරු තිදෙනා සමග බස් රථ වල නැග මගි වෙස්ගෙන ගමන් කරමින් වටිනා ජංගම දුරකථන සහ මුදල් පසුම්බි සොරාගත් පුද්ගලයෙකු හොරෙයින් මත් කුඩු මිලිග්‍රෑම් 5200 ක් සමග අත්අඩංගුවට ගත් බව පිලියන්දල පොලිසිය පැවසීය
එම සැකකරුගෙන් සිදු කළ ප්‍රශ්න කිරීමේ දී එලෙස සොරා ගෙන තිබූ රුපියල් ලක්ෂ දහයකට අධික වටිනා ජංගම දුරකථන විස්සකට ආසන්න ප්‍රමාණයක් පොලිසිය මගින් සොයාගෙන තිබෙනවා.
බස්රථ වලදී ජංගම දුරකථන නැතිවීම සම්බන්ධයෙන් තරුණ තරුණියන්ගෙන් සහ පාසල් සිසු දරු දැරියන් ගෙන් පසුගිය මාස හයක පමණ කාලය පුරා නිරන්තරයෙන් ලද පැමිණිලි කිහිපයක් සම්බන්ධයෙන් අවධානය යොමු කර ගෙන සිටි පිලියන්දල පොලිසියේ අපරාධ අංශයේ ස්ථානාධිපති පොලිස් පරීක්ෂක දිනේශ් හෙට්ටිආරච්චි මහතා ඒ සම්බන්ධයෙන් සැක කරන පුද්ගලයකුගේ රුව ඇතුලත් සීසීටීවී දර්ශන අනුව ඊට සමාන හැඩරුව තිබෙන සැකකටයුතු පුද්ගලයකු පිලියන්දල මිරිස්වත්ත ප්‍රදේශයේ දී අත්අඩංගුවට ගැනීමට පියවර ගෙන තිබිණි
වාද්දුව පොතුපිටිය ප්‍රදේශයේ පදිංචි 33 හැවිරිදි සැකකරු බිරිඳ හා දරුවන් සමඟ පිලියන්දල ප්‍රදේශයට පැමිණිම සම්බන්ධයෙන් පැහැදිලි තොරතුරක් අනාවරණය කිරිමට අපොහොසත් වීම හේතුවෙන් දීර්ඝ ලෙස සිදු කළ ප්‍රශ්න කිරීමේදී ඔහු බිරිඳ සහ කුඩා දරු තිදෙනා සමඟ ඉකුත් මාස හයක පමණ කාලය පුරා ගමන් ගන්නා බස් රථ වලට නැග ඉතා සූක්ෂම ලෙස පාසල් දරුවන්ගේ සහ කාන්තාවන්ගේ ජංගම දුරකථන සොරා ගෙන තිබූ බවට පොලිස් විමර්ශනවලදී අනාවරණය වී ඇත
සැකකරු එලෙස සොරා ගෙන තිබූ වටිනා ජංගම දුරකථන ගල්කිස්ස බඩෝවිට සහ පිටකොටුව ආදී ප්‍රදේශ වලට ඉතා අඩු මුදලට විකුණා තිබියදී සැකකරුගෙන් ප්‍රශ්න කිරීමේදී අනාවරණය කළ තොරතුරු අනුව සොයා ගැනීමට හැකි වූ බව පොලීසිය කියයි
සැකකරු කැස්බෑව මහේස්ත්‍රාත් අධිකරණය වෙත ඉදිරිපත් කිරීමට නියමිතයි
