ඇමරිකානු ජනාධිපති ජෝ බයිඩන් හා ඔහුගේ ප්‍රතිවාදියා වන රිපබ්ලිකන් පක්ෂ අපේක්ෂක ඩොනල්ඩ් ට්‍රම්ප් සමඟ ජනාධිපතිවරණයට පෙර පැවැත්වෙන විවාදය ඊයේ (27) රාත්‍රියේ ආරම්භ වුණා.
කෙසේ වෙතත් ජනපති බයිඩන් ඔහුට නියමිත කාලය අවසන් කිරීමට නැවත නැවතත් අපහසුතාවන්ට පත්වන ආකාරය දැක ගැනීමට හැකි වූ අතර ඔහුට කතා කිරීමට තවත් කාලය ඇති බව විවාදයේ පරිපාලකයින් විසින් මතක් කිරීමට සිදු වූ බව විදෙස් මාධ්‍ය වාර්තා කරනවා.
කෙසේ වෙතත්, ඊයේ සවස් වරුව වනවිට බොහෝ ඇමරිකානුවන් ජෝ බයිඩන්ගේ වයස පිළිබඳව සහ වැඩ කිරීමට හැකි යෝග්‍යතාවය පිළිබඳව කනස්සල්ල පළ කර තිබෙන බව ද සඳහන්.
මීට අමතරව ඩොනල්ඩ් ට්‍රම්ප් ඔහුගේ ආර්ථිකය සහ ඔහුගේ විදේශ ප්‍රතිපත්ති පිළිබඳව බයිඩන්ට නැවත නැවතත් පහර දුන්නා.
2020 දී ඩොනල්ඩ් ට්‍රම්ප් පරාජය වීමෙන් පසු අමෙරිකානු ජනාධිපතිවරණය සඳහා ඩිමොක්‍රටික් පාක්ෂිකයෙකු වන ජෝ බයිඩ්න් සහ රිපබ්ලිකානුවෙකු වන ඩොනල්ඩ් ට්‍රම්ප් එකිනෙකාට අභියෝග කරන දෙවන අවස්ථාව මෙය‍යි.
