බංග්ලාදේශ ක්‍රිකට් නායක නජ්මුල් හොසේන් ෂැන්ටෝ නායකත්වයෙන් ඉවත් වීමට තීරණය කර ඇති බවට තොරතුරු වාර්තා වනවා.
සංචාරක දකුණු අප්‍රිකානු කණ්ඩායම සමඟ පැවැත්වෙන දෙවන ටෙස්ට් තරගයෙන් පසු ඔහු නායකත්වයෙන් ඉවත් වබ බවටයි එරට ක්‍රිකට් පාලක මණ්ඩලයට දන්වා ඇත්තේ.
දකුණු අප්‍රිකාව සමඟ පැවති පළමු ටෙස්ට් තරගය කඩුලු 07කින් පරාජයට පත්වීමෙන් පසු ෂැන්ටෝ තමන්ගේ මෙම තීරණය බංග්ලාදේශ ක්‍රිකට් පාලක මණ්ඩලයට යවා ඇති බව සදහන්.
බංග්ලාදේශ ක්‍රිකට් සභාපති ෆාරුක් අහමඩ් රටෙහි නොමැති බැවින් ඔහු සඳුදා ඩකා වෙත පැමිනි පසු ෂැන්ටෝගේ මෙම තීරණය පිළිබඳව සලකා ලබනු ඇති බවයි ක්‍රීඩා මාධ්‍ය වාර්තා කළේ.
ෂැන්ටෝ දක්ෂ පිතිකරුවෙකු වන අතර, ඔහු ටෙස්ට් නායකත්වය භාර ගැනීමෙන් පසු ඔහුගේ පිතිකරණයේ යම් කඩාවැටීමක් පෙනෙන්නට ඇති බවයි ක්‍රිකට් විචාරකයින් සඳහන් කරන්නේ.
මේ අතර ෂැන්ටෝගේ ඉල්ලා අස්වීම බංග්ලාදේශ ක්‍රිකට් පාලක මණ්ඩලය පිළිගතහොත්, ඉදිරි තරග කාලසටහනත් සමඟ කෙටි දැනුම්දීමකින් නව නායකයෙකු පත් කිරීමට පාලක මණ්ඩලයට සිදුවනවා.
