මීගමුව පොලිස් ස්ථානයේ නිලධාරීන් කණ්ඩායමක් විසින් ලද තොරතුරකට අනුව මීගමුව පොලිස් වසමේ සිදුවූ රන් භාණ්ඩ සොරකමකට සම්බන්ධ බවට සැකපිට පුද්ගලයින් දෙදෙනෙක් ඊයේ (04) දිනයේ අත්අඩංගුවට ගෙන තිබෙනවා.
සැකකරුවන් වයස අවුරුදු 42 හා 44 වයස්වල පසුවන වැල්ලම්පිටිය හා කොලොන්නාව ප්රදේශයේ පදිංචිකරුවන් බවයි පොලිසිය සඳහන් කළේ.
සැකකරුවන් සම්බන්ධව සිදු කරන ලද විමර්ශනයේදී පුත්තලම පොලිස් වසමේ සිදුවූ රන් භාණ්ඩ සොරකමකට ද මෙම සැකකරුවන් සම්බන්ධ බවට තොරතුරු අනාවරණ වී තිබෙනවා.
මොවුන් විසින් සොරකම් කරන ලද රන් මුදු 12ක්, සැකකරුවන්ගේ ප්රකාශ මත සොයා ගැනීමට හැකි වූ බව පොලිසිය පවසනවා.
සැකකරුවන්ගෙන් සිදුකළ වැඩිදුර විමර්ශනයේදී මීගමුව පොලිස් වසමේ සිදුවූ රන් භාණ්ඩ සොරකම සඳහා සැකකරුවන් පැමිණි යතුරු පැදිය පොලිසිය විසින් සොයාගෙන ඇති අතර, එම අපරාධයට අදාල සොරකම් කරන ලද රන් භාණ්ඩ සොයාගැනීමට මීගමුව පොලිසිය විසින් වැඩිදුර විමර්ශන සිදු කරනු ලබනවා.
wpDiscuz
