පොලිස් නිලධාරියෙකු මාර්ගයක් අසල සිටින පුද්ගලයෙකුට පහර දෙන සිදුවීමකට අදාළ වීඩියෝවක් අද (දෙසැ. 24) දින සමාජ ජාලා මාධ්ය තුළ සංසරණය වුණා.
මෙම සිදුවීම කෑගල්ල නගරයේ නිදහස් මාවතේදී සිදුව ඇති අතර පොලිස් මාධ්ය ප්රකාශක කාර්යාලය එය සම්බන්ධයෙන් නිවේදනයක් නිකුත් කර තිබේ.
පොලිසිය පවසන්නේ, අදාළ පහර කෑමට ලක් වූ පුද්ගලයා මත්ද්රව්යවලට ඇබ්බැහිවූවකු වන බව ය.
එම අවස්ථාවේදී සැකකරු බීමත්ව අශෝභන ලෙස හැසිරීම නිසා ඔහු අත්අඩංගුවට ගැනීමට පොලිසිය කටයුතු කර තිබේ.
එම අවස්ථාවේදී ඔහු පොලිසිය වෙත බැන වදිමින් පහර දීමට පැමිණ ඇති බව අදාළ නිවේදනයෙහි සඳහන් කර ඇත.
පොලිස් මාධ්ය ප්රකාශක කාර්යාලය සඳහන් කළේ, ඔහු පාලනය කර ගැනීම සඳහා එම අවස්ථාවේදී පහරදුන් බව එම පොලිස් නිලධාරියා ප්රකාශ කර ඇති බව ය.
තව ද පහර කෑමට ලක් වූ සැකකරු ඊට සුළු වේලාවකට පෙර නගරයේ වෙළඳ සලකට පැමිණි කාන්තාවකට ද යකඩ පොල්ලකින් පහර දීම හේතුවෙන් අදාළ කාන්තාව රෝහල් ගත කර ඇති බව ද පොලිසිය පැවසීය.
කෙසේ වෙත ත් සැකකරුවෙකු පාලනය කර ගැනීම සඳහා පොලිස් නිලධාරියෙකුට යෙදිය හැකි අවම බලය ඉක්මවා කටයුතු කර ඇති බවට නිරීක්ෂණය වී ඇති හෙයින් අදාළ නිලධාරියාට විරුද්ධව විනය කටයුතු සිදු කරන ලෙස පොලිස්පතිවරයා විසින් සබරගමු දිසාව භාර නියෝජ්ය පොලිස්පතිවරයා වෙත නියෝග කරනු ලැබ ඇති බව පොලිස් මාධ්ය ප්රකාශක කාර්යාලය වැඩිදුරට ත් සඳහන් කර ඇත.
කෙසේ වෙතත් පසුගිය කාලයේදී ජ්යෙෂ්ඨ නියෝජ්ය පොලිස්පතිවරයෙකු සිදුකළ පහරදීමට සම්බන්ධව අදාල නිලධාරියාට පොලිස්පතිවරයා ලබාදුන් දඩුවමනම් ස්ථාන මාරුවක් පමණි.
