පෙම්වතා නිල්වලා ගඟට බිලි වූ ශෝකයට නිල්වලා ගඟට ම පැන පෙම්වතිය දිවි නසාගෙන (ඡායාරූප)

මාතර, පිටබැද්දර ප්‍රදේශයෙන් නිල්වලා ගඟේ දියනෑමට ගොස් දියේ ගසාගෙන යාමෙන් ඊයේ (26) පස්වරුවේ අතුරුදන් වූ තරුණයින් සිව්දෙනා අතර සිටි තරුණයෙකුගේ පෙම්වතියක් ද නිල්වලා ගඟට පැන දිවිහානි කරගෙන ඇති බව වාර්තා වනවා.

සිය පෙම්වතා දියේ ගසාගෙන යාමෙන් අතුරුදන් වූ කම්පනය හේතුවෙන් ඇය මෙලෙස සියදිවි නසාගන්නට ඇති බවයි සැකපළ කරන්නේ.

අදාළ තරුණිය කඹුරුපිටිය, රන්සෑගොඩ ප්‍රදේශයේ පදිංචි පදිංචි 20 හැවිරිදි වියේ පසුවන්නියක් බවයි වාර්තා වුණේ.

මේ අතර අතුරුදන්වූ තරුණයන් සිව්දෙනාගෙන්, දෙදෙනෙකුගේ සිරුරු නාවික හමුදාව විසින් අද (27) සොයා ගත්තා.

ඊයේ (26) පස්වරුවේ දොළොස් දෙනෙකුගෙන් යුත් කණ්ඩායමක් නිල්වලා ගඟේ උඩහඇල්ල නම් ස්ථානයෙන් දිය නෑමට ගොස් තිබුණා.

එහිදී මෙම පිරිසෙන් පස්දෙනෙකු දියේ ගසාගෙන ගොස් ඇති අතර, එක් අයෙකු එම අවස්ථාවේ දී බේරා ගැනීමට හැකියාව ලැබී තිබුණා.