පිළිකා රෝහලේ යන්ත්රයක් අලුත්වැඩියා කිරීම සඳහා ආනයනය කර තිබියදී රේගුව මගින් රඳවා ගත් උපකරණ තොගය වහාම මුදා හැරීමට කටයුතු කළ බව මුදල් රාජ්ය අමාත්ය ආචාර්ය රංජිත් සියඹලාපිටිය මහතා පවසනවා.
අමාත්යවරයා පෙන්වා දෙන්නේ එම රඳවා ගැනීම සිදු කර ඇත්තේ එය ආනයනය කළ පෞද්ගලික ආයතනයේ ප්රමාදයක් මිස රේගුවේ ප්රමාදයක් නිසා නොවන බවයි ඔහු කියාසිටියේ.
අදාළ උපකරණ ආනයනය කර රේගුව මගින් රඳවා ගෙන ඇති බවට විපක්ෂ මන්ත්රී ඉරාන් වික්රමරත්න මහතා ඊයේ පාර්ලිමේන්තුවේ දී අවධාරණය කිරීම පිළිබඳ ස්තුතිය පුද කළ අමාත්යවරයා කියා සිටියේ වහාම එම භාණ්ඩ නිදහස් කිරීමට නියෝග කළ බවයි.
මෙවැනි ආනයනයක දී එය පිළිකා රෝහල වෙනුවෙන් සිදු කළ ආනයනයක් බවට ලිඛිතව රේගුව වෙත දැනුම් දිය යුතු අතර රෝහල් අධ්යක්ෂවරයා විසින් අදාළ ලිපිය නිකුත් කළ වහාම උපකරණ මුදා හැරි බව අමාත්යවරයා ප්රකාශ කළා.
මේ අතර බදු නොගෙවීම හේතුවෙන් ඉන්දියානු ණය ආධාර වැඩසටහන යටතේ ආනයනය කළ ඖෂධ තොගයක් වරායේ රඳවාගෙන ඇති බවට පළ වන වාර්තා සම්පූර්ණයෙන් ම අසත්ය බව අමාත්ය ආචාර්ය රංජිත් සියඹලාපිටිය පවසනවා.
ආනයන අපනයන පාලක දෙපාර්තමේන්තුව මගින් හෝ රේගුව මගින් එවැනි රඳවා ගැනීමක් සිදු කර නොමැති අතර ඖෂධ සඳහා රජය බදු අය නොකරන බවයි අමාත්යවරයා පෙන්වා දෙන්නේ.
ඖෂධ ආනයනයේ දී ඒවා හැකි ඉක්මණින් නිදහස් කිරීමට සැම විටම බලධාරීන් කටයුතු කරන අතර ලියකියවිලිවල යම් අඩුවක් තිබුණ ද ඒව පසුව සම්පූර්ණ කිරීමේ පදනම මත හෝ මුලින් ම සිදු කරන්නේ ඖෂධ තොගය නිදහස් කිරීමට බව අමාත්යවරයා සඳහන් කළා.
