දිවයිනට ම බලපා ඇති අයහපත් කාලගුණ තත්ත්වය හේතුවෙන් අවතැන් වූ පවුල් වෙත අවශ්‍ය අත්‍යවශ්‍ය ද්‍රව්‍ය ලබාදීම සඳහා ‘දසත ඩිජිටල් අවකාශය’ එක් ව විශේෂ වැඩසටහනක් සංවිධානය කර තිබෙනවා.
ඒ අනුව ගංවතුරෙන්, නායයෑම්වලින් අවතැන් වූ අපේම සහෝදරත්වය වෙනුවෙන් මුදලින් හෝ අත්‍යවශ්‍ය ආහාරපාන, ඖෂධ, ඇඳුම් පැළඳුම් ආදිය සැපයීම මගින් මේ මහා මානුෂීය මෙහෙයුමට ඔබටත් දායක විය හැකියි.
”දසත හිතමිතුරු සහන ක්‍රියාන්විතය” ඇරඹීම සඳහා ඔබ සතු සහ ඔබට ලබාදිය හැකි සහන මළු කඩිනමින් දසත ඩිජිටල් අවකාශය ක්‍රියාත්මක කෙරෙන ප්‍රධාන මධ්‍යස්ථානය වෙත රැගෙනවිත් ලබාදීම කළ හැකි වනවා.
එමෙන්ම සිත් පිත් නැති කුණාටුවකට, දුරස්කළ නොහැකි අපේ සහෝදරකම් වෙනුවෙන් සිට ගැනීමට දසත විසිරී ඇති මනුෂ්‍යත්වයේ හස්තයට කෙරෙන මේ ආරාධනය පිළිගන්නා සැවොම ඔබේ වටිනා පරිත්‍යාගයන් පහත දැක්වෙන ලිපිනය වෙත ගෙනැවිත් භාර දෙන්න..
”නො 210/ ඒ, දෙවන මහල, කොළඹ පාර, ලියනගේමුල්ල – සීදූව පිහිටි දසත කාර්යාලය වෙත ලබාදීම කළ හැකියි.
මේ සම්බන්ධයෙන් වැඩිදුර විමසීම් 074-1007069 යන දූරකථන අංකය හා එක්වීමෙන් ඔබට ලබාගත හැකි වනවා.
ඔබේ ඒ පරිත්‍යාගයන් වෙත අපේ හිතවත්කම් ද මුසු කොට පිළිසරණක් අවැසි මොහොතේ ඔවුන් වෙත ලබා දෙන්නට දසත අපි පෙරමුණ ගෙන සිටිමු..!
