කොළඹට සූර්යයා එකඑල්ලේ මුදුන්වීම හේතුවෙන් 2025 අප්රේල් මස 7 වන සඳුදා දහවල් 12:12ට සුළු මොහොතකට ඔබේ සෙවණැල්ල අතුරුදන් ව යන බව තාරකා විද්යාඥ අනුර සී. පෙරේරා මහතා පවසනවා.
එහිදී වැඩිදුරටත් අදහස් දැක්වූ තාරකා විද්යාඥ අනුර සී. පෙරේරා මහතා,
“ඇත්ත වශයෙන්ම මේක දෘෂ්ටි මායාවක්. වසරක් ගත්තාම මේ අවස්ථාවේ උපරිම සූර්යය ශක්තිය ලැබෙන කාලය ඇවිත් තිබෙන්නේ. ඒ කියන්නේ අප්රේල් මාසයේ මුල් සති දෙක තුළ අපේ රටට ඉහළින් සූර්යයා මුදුන් වෙනවා. මේ මුදුන්වීම අප්රේල් 5 සිට 15 දක්වා පවතිනවා. කොළඹට සූර්යයා මුදුන්වීම අප්රේල් 7 වනදා සිදුවෙනවා. එදින දහවල් 12:12ට කවුරු හරි එළියට ඇවිත් හිටියොත් ඒ අයගේ සෙවනැල්ල එක මොහොතකට නැති වෙලා යනවා. තමන්ගේ සෙවණැල්ල තමන්ට බලන්න බැහැ. ඒක වෙන කෙනෙක්ට බලන්න පුළුවන්. මේ තත්ත්වය 4 වෙනිදා සිට 15 වෙනිදා දක්වා දවස් 10ක් පවතිනවා.“
“අපේ රට ඇතුළට සූර්යයා පැමිණෙන්නේ 4 වෙනිදා. ඒ කියන්නේ පේදුරුතුඩුවෙන් තමයි මේ මුදුන්වීම ආරම්භ වෙන්නේ. අප්රේල් 5 එළමල්දෙණිය, අප්රේල් 6 කළුතර, අප්රේල් 7 කොළඹ – කැලණිය, අප්රේල් 8 නයිනමඩම – මහියංගණය ආදි ප්රදේශවලට සූර්යයා මුදුන් වෙනවා. 15 වනදා පේදුරුතුඩුවෙන් සූර්යයා අපේ රටෙන් ඉවත්වෙලා යනවා.“
ඉර මුදුන්වීම ආරම්භ වෙන්නෙ දෙවුන්දර තුඩුවෙන්. රටෙන් ඉවත් වෙන්නෙ පේදුරු තුඩුවෙන් විය යුතුයි