සිවනේසතුරෙයි චන්ද්රකාන්තන් හෙවත් පිල්ලෙයාන්ගෙන් හෙළි වූ කරුණු මත ඝාතන හා පැහැර ගැනීම් සම්බන්ධයෙන් අත්අඩංගුවට ගත් සැකකරුවන් තිදෙනෙකු පැය 72ක කාලයක් රඳවා තබා ගෙන ප්රශ්න කිරීමට පොලීසිය පියවර ගෙන තිබෙනවා.
දසත අධිකරණ වාර්තාකාරිණිය පැවසුවේ, ත්රස්තවාදය වැළැක්වීමේ පනත යටතේ මෙම ක්රියාමාර්ගය ගෙන ඇති බවයි.
සිවනේසතුරෙයි චන්ද්රකාන්තන් හෙවත් පිල්ලෙයාන්ගේ සමීපතමයෙකු බවට පැවසෙන මනුෂ්ය ඝාතන ඇතුළු අපරාධ රැසකට සම්බන්ධ සැකකරුවෙකු ඊයේ (07) කල්මුණේ ප්රදේශයේ දී අපරාධ පරීක්ෂණ දෙපාර්තමේන්තුවේ මනුෂ්ය ඝාතන හා සංවිධානාත්මක අපරාධ විමර්ශන ඒකකය විසින් අත්අඩංගුවට ගනු ලැබුවා.
ඒ, 2007, 2008 වර්ෂවල නැගෙනහිර පළාතේ මඩකලපුව දිස්ත්රික්කයේ සන්නද්ධ කණ්ඩායමක් විසින් මනුෂ්ය ඝාතන, පුද්ගල පැහැරගැනීම්, අතුරුදහන් කිරීම්, ගිනි අවි පරිහරණය කිරීම්, වධකාගාර පවත්වාගෙන යාම හා කප්පම් ලබා ගැනීම් යන අපරාධ සිදු කිරීමට සම්බන්ධ සැකකරුවන් අත්අඩංගුවට ගැනීම සඳහා අපරාධ පරීක්ෂණ දෙපාර්තමේන්තුවේ මනුෂ්ය ඝාතන හා සංවිධානාත්මක අපරාධ විමර්ශන ඒකකය මගින් සිදු කරන විමර්ශනයට අදාළවයි.
එමෙන්ම, ජුලි 06 වැනි දිනයේදී නැගෙනහිර පළාත් සභාවේ හිටපු මන්ත්රී කේ. පුෂ්පකුමාර් නොහොත් ඉනිය භාරතී සහ සිවලිංගම් තවසීලන් නමැති පුද්ගලයෙකු ද අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබුවා.
