පිත්තේ රිද්මය සොයාගත් කෝලි සහ රෝහිට් ජය මාවත විවර කරයි

සංචාරක ඉන්දියානු කණ්ඩායම සහ ඔස්ට්‍රේලියාව අතර අවසන් සහ තුන්වන සහ අවසන් එක්දින තරගය අද (25) සිඩ්නි ක්‍රීඩාංගනයේදී පැවැත්වුණා.

තරගාවලියේ මුල් තරග දෙකම පරාජයට පත් වූ ඉන්දීය කණ්ඩායම මෙම තරගයේ දී පිටියට පිවිසියේ ඕස්ට්‍රේලියානු බිමේදී තම ගෞරවය රැක ගැනීමේ සටනක් දියත් කිරීම වෙනුවෙනුයි.

මෙම තරගයට පෙර පැවැති තරග 17 දී මෙන්ම මෙම තරගයේදී ද ඉන්දියාව සුපුරුදු කාසිය වාසිය පරාජයට පත් වූ අතර කාසියේ වාසිය හිමිකර ගත් ඕස්ට්‍රේලියානු නායක මිචෙල් මාෂ් පළමුවෙන් පන්දුවට පහර දීම තෝරාගනු ලැබුවා.

කෙසේ වෙතත් පිතිකරුවන් සියලු දෙනා දැවීගොස් පන්දුවාර 46යි පන්දු 04ක් තුළ ඕස්ට්‍රේලියාවට රැස්කර ගැනීමට හැකි වූයේ ලකුණු 236ක් පමණයි.

එහිදී හර්ශිට් රනා විසින් කදුළු 04ක් දවා ගැනීමට සමත් වුණා.

පිළිතුරු ඉනිම සඳහා පිටියට පිවිසි ඉන්දියාව පන්දුවාර 38 යි පන්දු 03ක් පමණක් වැය කරමින් එක් කඩුල්ලක් පමණක් ලබා දෙමින් තරගය පහසුවෙන් ජයගත් අතර එහිදී කලකට කණ්ඩායමෙන් ඉවත්ව සිටි හිටපු නායකයින් දෙපළක් වන රෝහිට් ශර්මාට සහ විරාට් කෝලි ලකුණු අතරට පිවිසීම සුවිශේෂී වුණා.

පෙර තරගයේදී ද ලකුණු 73ක් රැස් කර ගැනීමට සමත් වූ රෝහිට් මෙම තරගයේදී නොදැවී ලකුණු 121ක් රැස් කර ගැනීමට සමත් වූ අතර පෙර තරග දෙකේදීම ලකුණු නොලබා දැවීගිය විරාට් කෝලි මෙම තරගයේදී ද නොදැවී ලකුණු 74ක් රැස් කර ගනිමින් තම රිද්දමය යළිත් සොයාගත්තා.

එහිදී ශ්‍රී ලංකාවේ හිටපු පිතිකරුවෙක් වන කුමාර් සංගක්කාරගේ ජ්‍යාත්‍යන්තර එක්දින තරගවල මුළු ලකුණු සංක්‍යාව පසුකරමින් ක්‍රිකට් ඉතිහාසයේ එක්දින වැඩිම ලකුණු හිමි පිතිකරුවන්ගේ දෙවන ස්ථානයට පැමිණීමට විරාට් කෝලි සමත් වුණා.

එම ලැයිස්තුවේ පෙරමුණේ පසුවන්නේ ද හිටපු ඉන්දීය ක්‍රීඩක සචින් තෙන්ඩුල්කාර් යි.