මහා පරිමාණ මත්ද්රව්ය ජාවාරම්කරුවෙකු වන පෑලියගොඩ අමිල නැමැත්තාගේ මත්ද්රව්ය බෙදාහැරිම සිදුකළ ගෝලයන් දෙදෙනෙකු අයිස් මත්ද්රව්ය සමඟ පොලිස් විශේෂ කාර්ය බලකා නිලධාරීන් විසින් අත්අඩංගුවට ගෙන තිබෙනවා.
මෙම සැකකරුවන් සන්තකයේ තිබී සොයාගත් අයිස් මත්ද්‍රව්‍යවල වටිනාකම රුපියල් ලක්ෂ අටකට අධික බවයි විශේෂ කාර්ය බලකාය සඳහන් කළේ.
මිරිහාන පොලිස් වසමේ ගම්සභා හංදිය අසල සිදුකළ වැටලීමක දී මොවුන් දෙදෙනා අත්අඩංගුවට ගෙන තිබෙනවා.
මෙම සැකකරුවන් දෙදෙනා ත්‍රිරෝද රථයකින් ගමන් කරමින් සිටිය දී මෙලෙස අත්අඩංගුවට ගැනීමට හැකිව ඇති අතර, මොවුන් පෑලියගොඩ ප්‍රදේශයේ පදිංචි වයස අවුරුදු 30 සහ 31 වයසේ පසුවන්නන්.
වැඩිදුර විමර්ශන කටයුතු සඳහා සැකකරුවන් මිරිහාන පොලිස් ස්ථානය වෙත භාර දී තිබෙනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
