ඉදිරියේ දී පාසල් මට්ටමේ නව නිපැයුම්වලට වෙළෙඳපොළේ අවස්ථාවක් ලබාදීමට අධ්‍යාපන අමාත්‍යාංශය පියවර ගෙන තිබෙනවා.
2025 වසරේ දී ජාතික කර්මාන්ත ප්‍රදර්ශනයේ පාසල් රොබෝ හා නව්‍යකරණ නිපැයුම්වලට වෙන ම ඉඩක් ලබාදෙමින් මෙම ක්‍රියාවලිය සිදු කිරීමට අධ්‍යාපන අමාත්‍යාංශය තීරණය කර ඇත්තේ.
”රොබෝ තාක්ෂණ හා නව නිපැයුම් තරගාවලියේ” පාසල් ශූරයෝ ”අපේගම” පරිශ්‍රයේ දී ජාතික මට්ටමින් ඇගයුමට ලක් කරමින් අධ්‍යාපන අමාත්‍යාංශයේ ලේකම් තිලකා ජයසුන්දර මහත්මිය මේ බව සඳහන් කර සිටියා.
2024 සමස්ත ලංකා රොබෝ තාක්ෂණ හා නව නිපැයුම් තරගාවලියේ ජාතික මට්ටමේ තරග ඊයේ (07) දවස පුරා බත්තරමුල්ල ‘අපේගම’ පරිශ්‍රයේ දී පැවැත්වුණු අතර ප්‍රධාන ආරාධිතයා ලෙස ඊට සහභාගී වූ අධ්‍යාපන, විද්‍යා සහ තාක්ෂණ අමාත්‍යාංශයේ ලේකම්වරිය සමස්ත ලංකා ජයග්‍රාහකයන්ට පදක්කම්, ත්‍යාග සහ සහතිකපත්‍ර ප්‍රදානය කරමින් නව නිපැයුම්වල වෙළෙඳපොළ වාණිජකරණය තුළ ඉඩක් ලබා දීම ගැන අදහස් පළ කළ බවයි අධ්‍යාපන අමාත්‍යාංශය නිවේදනයක් නිකුත් කරමින් සඳහන් කරන්නේ.
