වවුනියාව දිස්ත්‍රික්කයේ කලාප ක්‍රීඩා තරඟවලට සහභාගී වූ පාසල් දරුවන් දෙදෙනෙකු තරඟ පැවති ක්‍රීඩාංගණය අසල වතුර වළකට වැටීමෙන් ජීවිතක්ෂයට පත්වී තිබෙනවා.
පොලිසිය පැවසූවේ වවුනියාව විශ්ව විද්‍යාලීය ක්‍රීඩා පිටිය සකස් කිරීමට පස් ලබා ගැනීම වෙනුවෙන් පස් කැපූ වළට වැටී දරුවන් දෙදෙනා ජිවිතක්ෂයට පත්ව ඇති බවයි.
වවුනියාව මුස්ලිම් මහා විද්‍යාලයට අයත් වයස අවුරුදු 14ක් සහ 15ක් වන දරුවන් දෙදෙනෙකු මෙලෙස අනතුරට ලක්වී තිබෙනවා.
පොලිසිය පැවසූවේ ක්‍රිඩා තරඟය අවසන්ව අදාළ දරුවන් ක්‍රීඩාංගණය අසළ වූ ජලය පිරුණු වළ නැරඹීමට ගිය අවස්ථාවේ ඊට ඇද වැටී ඇති බවයි.
මියගිය සිසුන්ගේ සිරුරු වවුනියාව රෝහලේ මෘත ශරීරාගාරයට යොමු කර ඇති අතර, සිද්ධිය සම්බන්ධයෙන් පූවරසන්කුලම පොලිසිය වැඩිදුර පරීක්ෂණ සිදු කරනවා.
අප වාර්තාකරු සඳහන් කළේ සිසුන් දෙදෙනා ජීවිතක්ෂයට පත්වීමත් සමග ප්‍රදේශවාසීන් සහ ගුරුවරුන් අතර උණුසුම් තත්වයක් ද හටගෙන ඇති බවයි.
මෙම සිසුන් දෙදෙනා නොමැති වීම හේතුවෙන් අනෙක් සිසුන් එක්ව කළ සොයා බැලීමේදී එම ක්‍රීඩාංගණය ආසන්නයේ පිහිටි අනාරක්ෂිත ජලය පිරුණු වළක තිබී සිසුන් දෙදෙනාගේ මළ සිරුරු සොයාගනු ලැබුවා.
අනතුරුව එල්ලේ තරඟමාලාව සංවිධානය කරන ලද විශ්විවද්‍යාල ගුරුවරුන් සහ ප්‍රදේශවාසීන් අතර උණුසුම් තත්වයක් හටගෙන ඇති බවටයි වාර්තා වන්නේ.
